Winter: చలికాలంలో ఖచ్చితంగా ఉసిరికాయ తినాలటా.. ఎందుకంటే .. ఉసిరికాయ లో అద్భుతమైన ఔషధ గుణాలు ఉన్నాయి.. ఇవి మన ఆరోగ్యానికి ఎంతో మేలు చేస్తాయి.. ముఖ్యంగా ఈ సీజన్లో లో వచ్చే అనేక రకాల ఫ్లూ, ఇన్ఫెక్షన్స్ బారిన పడకుండా కాపాడుతుంది.. ఇంతకీ ఈ కాలంలో ఎందుకు ఉసిరికాయ తినాలో చూద్దాం..!!
ఉసిరిలో విటమిన్ ఏ, బి, సి సమృద్ధిగా లభిస్తాయి. వీటితో పాటు ఐరన్ కూడా ఉంటుంది. విటమిన్ సి రోగ నిరోధక శక్తిని పెంపొందిస్తాయి. శీతాకాలంలో వచ్చే జలుబు, దగ్గు, ఫ్లూ, ఇన్ఫెక్షన్ల బారిన పడకుండా శరీరాన్ని రక్షిస్తుంది. ఉసిరి రసం తీసుకోవటం వలన జీవక్రియ మెరుగు పడుతుంది. జీర్ణ సంబంధిత సమస్యలు తలెత్తకుండా చేస్తుంది. శరీరంలో హానికరమైన టాక్సిన్స్ ను బయటకు నెడుతుంది. అందువలన సులువుగా బరువు తగ్గవచ్చు. ఇంకా ఉసిరి జ్యూస్ తాగడం వల్ల ఎముకలను బలంగా ఉంచుతుంది.
Read More: AP BJP: ఏపి బీజేపీ అధ్యక్షుడు సోముకు షాక్..! పార్టీ కేంద్ర అధిష్టానం ఏమి చేసింది అంటే..?
ఈ కాలంలో ఉసిరికాయ లను నేరుగా తినవచ్చు. లేదంటే జ్యూస్ గా తయారు చేసుకొని తాగవచ్చు. ఉసిరికాయ ని చిన్న చిన్న ముక్కలుగా కోసి తేనెలో నాన వేసుకుని తినవచ్చు. ఇందులో ఉండే పోషకాలు రుతు సమయంలో వచ్చే కడుపు నొప్పిని తగ్గిస్తాయి. ఇంకా అధిక రక్తస్రావం ను తగ్గిస్తాయి. సక్రమంగా రుతుక్రమం వచ్చేలా చేస్తాయి. ఇంకా జలుబు, అల్సర్, ఉదర సంబంధిత సమస్యలను దూరం చేస్తుంది. ఉసిరికాయ లో ఉండే విటమిన్ సి రోగనిరోధక శక్తిని పెంపొందించడంలో పాటు చర్మాన్ని యవ్వనంగా ఉంచుతుంది. వృద్ధాప్య ఛాయలు రాకుండా చేస్తుంది. పురాణాలలో కూడా కార్తీకమాసంలో ఉసిరి కాయ దీపం పెట్టడం ఎంత ప్రాధాన్యత ఉందో అలాగే ఉసిరికాయ కూడా తినాలని చెప్పారట. అందువలన ఉసిరి కాయ తినండి.