Bruhathi: గణపతి పూజలో 21 పత్రాలను ఉపయోగిస్తారు.. ఆ 21 పత్రాలలో బృహతీ పత్రం ఒకటి.. ఈ మొక్క నెలలో విస్తారంగా పెరుగుతుంది.. దీనినే నేల మునగాకు, వాకుడాకు అని పిలుస్తారు.. ఈ చెట్టుకు తెలుపు, నీలిరంగు పూలు పూస్తాయి.. బృహతీ పత్రం లో బోలెడు ఔషధ గుణాలు ఉన్నాయి..!! ఇవి మన ఆరోగ్యానికి ఎంతో మేలు చేస్తాయి..!!
బృహతీ పత్రం నీళ్లలో వేసి బాగా మరిగించాలి. ఈ ఆకులను తీసి వాటికి కొద్దిగా ఉప్పు కలిపి మెత్తగా నూరుకోవాలి. ఈ మిశ్రమాన్ని కీళ్ళనొప్పులు ఉన్న చోట రాసి కట్టు కట్టాలి. ఇలా ప్రతి రోజూ చేస్తూ ఉంటే కీళ్లనొప్పులు తగ్గుతాయి. ఇంకా మోకాళ్ల, వెన్ను, నుడం, భుజం నొప్పులను కూడా తగ్గిస్తుంది. ఈ ఆకులను ఎండబెట్టి దంచి పొడి చేసుకోవాలి. ఈ ఆకుల పొడిని గజ్జి, దురద, తామర, అలర్జీ ఉన్న చోట రాస్తే త్వరగా తగ్గుతుంది. అన్ని రకాల చర్మ సంబంధిత సమస్యలను తగ్గిస్తుంది. నొప్పులకు కూడా ఈ పొడి అద్భుతంగా పనిచేస్తుంది.
ఒక గ్లాస్ నీటిలో నాలుగు బాగా మరిగించాలి. తరువాత దించి వడపోసుకోవాలి. ఇలా తయారు చేసుకున్న కషాయాన్ని నోట్లో పోసుకొని పుక్కిలించి ఉసేస్తే దంత సమస్యలను తగ్గిస్తుంది. నోటి దుర్వాసనను పోగొడుతుంది. జీర్ణ క్రియను మెరుగు పరుస్తుంది. ఈ ఆకుల మిశ్రమాన్ని వేడి గడ్డలపై రాసి కట్టుకడితే అవి త్వరగా తగ్గిపోతాయి. దగ్గు, ఉబ్బసం, ఆయాసం ను తగ్గిస్తుంది. వీర్య వృద్ధి ని కలగజేస్తుంది. మూత్ర సంబంధిత సమస్యలను తొలగిస్తుంది. గుండె ఆరోగ్యాన్ని మెరుగుపరుస్తుంది.