Ukraine Russia War: రష్యా – ఉక్రెయిన్ యుద్ధంలో కీలక పరిణామం చోటు చేసుకుంది. గత నాలుగు రోజులుగా ఉక్రెయిన్ పై రష్యా భీకరపోరు సాగిస్తుండగా ఉక్రెయిన్ కూడా తగ్గేదే లే అన్నట్లు దాడులను ఎదుర్కొంటోంది. ఈ తరుణంలో కీలక పరిణామం చోటుచేసుకుంది. యుద్ధానికి స్వస్తి పలికేందుకు రెండు దేశాలు అంగీకారానికి వచ్చాయి. రష్యాతో చర్చలు జరిపేందుకు ఉక్రెయిన్ అధ్యక్షుడు జెలెన్ స్కీ అంగీకరించారు. బెలారస్ లో జరిగే చర్చలకు తాము వస్తామని ప్రకటించడంతో శాంతి చర్చలు ప్రారంభం అయ్యే అవకాశాలు కన్పిస్తున్నాయి. ఇప్పటి వరకూ రష్యా చర్చలకు పిలిచినా ఉక్రెయిన్ అంగీకరించలేదు.
Ukraine Russia War: శాంతి చర్చలకు ఉక్రెయిన్ అంగీకారం
ఆయుధాలు వీడి చర్చలకు రావాలన్న రష్యా ప్రతిపాదనను ఉక్రెయిన్ పలు మార్లు తోసిపుచ్చింది. రష్యా పెట్టిన కొన్ని షరతులకు కూడా ఉక్రెయిన్ అంగీకరించింది. చర్చల కోసం ఇప్పటికే ఉక్రెయిన్ అధికారుల బృందం బెలారస్ బయలుదేరి వెళ్లింది. ప్రపంచ దేశాలన్నీ శాంతియుత పరిష్కారం కోరుకుంటున్న తరుణంలో చర్చలకు మార్గం సుగమం కావడం అత్యంత ప్రాధాన్యత సంతరించుకుంది. చర్చలు ఫలప్రదం అయి యుద్ధం ముగిస్తే ఉక్రెయిన్ ప్రజలే కాదు ప్రపంచ దేశాలు కూడా ఊపిరిపీల్చుకుంటాయి.
Ukraine Russia War: అంతర్జాతీయ న్యాయస్థానాన్ని ఆశ్రయించిన ఉక్రెయిన్
అంతకు ముందు రష్యా సైనిక చర్యపై ఉక్రెయిన్ అంతర్జాతీయ న్యాయస్థానాన్ని (ఐ సీ జే) ఆశ్రయించింది. మిలటరీ ఆపరేషన్ ను నిలిపివేయలని రష్యాను ఆదేశించాలని కోరుతూ ధరఖాస్తు సమర్పించినట్లు ఉక్రెయిన్ అధ్యక్షుడు జెలెెన్ స్కీ తెలిపారు. వచ్చే వారం నుండి విచారణ ప్రారంభమవుతుందని ఆశిస్తునట్లు చెప్పారు,. జరుగుతున్న మారణహోమానికి రష్యాను బాధ్యులు చేయాల్సిన అవసరం ఉందని జెలెన్ స్కీ పేర్కొన్నారు.
