NTR: ఎన్టీఆర్ త‌న ఫోన్‌లో త‌ర‌చూ వినే పాట ఏదో తెలుసా?

NTR: యంగ్ టైగ‌ర్ ఎన్టీఆర్ తాజా చిత్రం `ఆర్ఆర్ఆర్‌`. ద‌ర్శ‌క‌ధీరుడు రాజ‌మౌళి తెర‌కెక్కించిన ఈ చిత్రంలో మెగా ప‌వ‌ర్ స్టార్ రామ్ చ‌ర‌ణ్ మ‌రో హీరోగా న‌టించ‌గా.. అలియా భ‌ట్‌, ఒలీవియా మోరిస్ హీరోయిన్లుగా చేశారు. డీవీవీ ఎంటర్టైన్మెంట్స్ బ్యాన‌ర్‌పై డీవీవీ దాన‌య్య భారీ బ‌డ్జెట్‌తో ఈ మూవీని నిర్మించారు.

ఇందులో ఎన్టీఆర్ కొమ‌రం భీమ్‌గా, రామ్ చ‌ర‌ణ్ అల్లూరి సీత‌రామ‌రాజుగా అల‌రించ‌బోతున్నారు. ప్ర‌పంచ‌వ్యాప్తంగా భారీ అంచ‌నాలు ఉన్న ఈ చిత్రం మార్చి 25న గ్రాండ్‌గా ప్రేక్ష‌కుల ముందుకు రాబోతోంది. ఇంకా రెండు రోజులే స‌మ‌యం ఉండ‌టంతో.. అభిమానులు హ‌డావుడి మొద‌లు పెట్టేశారు. కొన్ని ప్రాంతాల్లో ఈ సినిమా విడుద‌ల వేడుక‌ను అభిమానులు పండుగ‌లా జ‌రుపుకుంటున్నారు.

ఇక మ‌రోవైపు మేక‌ర్స్ జోరుగా ప్ర‌మోష‌న్స్ నిర్వ‌హిస్తున్నారు. ఇందులో భాగంగానే తాజాగా ఎన్టీఆర్.. చ‌ర‌ణ్‌, రాజ‌మౌళిల‌తో క‌లిసి ఓ ఇంట‌ర్వ్యూలో పాల్గొన్నాడు. అక్క‌డ యాంక‌ర్ `మీరు మీ స్మార్ట్‌ఫోన్‌లో ఏ పాటను ఎక్కువగా ప్లే చేస్తారు..?` అని ఎన్టీఆర్‌ను ప్ర‌శ్నించింది. అందుకు ఆయ‌న బ‌దులిస్తూ.. వెంకటేష్ మహా దర్శకత్వం వహించిన కేర్ ఆఫ్ కంచరపాలెం చిత్రం లోని `ఆశ పాశం` ఎప్పుడూ వింటూనే ఉంటాన‌ని.. ఆ పాట ఎంతో బాగుంటుంద‌ని చెప్పారు.

అంతేకాదు, త‌న గాత్రంతో ఆ పాట‌ను పాడి.. యాంక‌ర్‌ను ఆశ్చ‌ర్య‌ప‌రిచాడు ఎన్టీఆర్‌. ప్ర‌స్తుతం ఇందుకు సంబంధించిన వీడియో నెట్టింట వైర‌ల్‌గా మార‌గా.. ద‌ర్శ‌కుడు వెంక‌టేష్ మ‌హా ఈ విష‌యంపై ట్విట్ట‌ర్ వేదిక‌గా స్పందించారు. `ఆశ పాశం పాట పట్ల మీకున్న అభిమానానికి ధన్యవాదాలు. ఆర్ఆర్ఆర్ మూవీ భారీ విజయాన్ని అందుకోవాలి` అంటూ ఎన్టీఆర్‌కు శుభాకాంక్ష‌లు తెలిపాడు.

Glad to know that #AasaPaasam is the most played song on your phone. Thank you @tarak9999 garu… you made my day. Wish you a great success with #RRR pic.twitter.com/kACWnAEKXV

— Venkatesh Maha (@mahaisnotanoun) March 23, 2022