RRR: యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్ హీరోలుగా ద‌ర్శ‌క‌ధీరుడు రాజ‌మౌళి తెర‌కెక్కించిన భారీ మ‌ల్టీస్టార‌ర్ చిత్రం `ఆర్ఆర్ఆర్`. ఆలియా భట్, ఒలివియా మోరిస్ హీరోయిన్లుగా న‌టించ‌గా.. అజయ్ దేవగణ్, శ్రియా సరణ్, సముద్రఖని కీల‌క పాత్ర‌ల‌ను పోషించారు. సినీ ప్రియుల‌ను గ‌త నాలుగేళ్ల నుంచి ఊరిస్తూ ఊరిస్తూ.. ఎట్ట‌కేల‌కు మార్చి 25న ప్ర‌పంచ‌వ్యాప్తంగా వివిధ భాష‌ల్లో గ్రాండ్‌గా ఈ చిత్రాన్ని రిలీజ్ చేశారు.
విడుద‌లైన అన్ని చోట్ల పాజిటివ్ టాక్ సొంతం చేసుకున్న ఈ చిత్రం.. బాక్సాఫీస్ వ‌ద్ద భారీ క‌లెక్ష‌న్ల‌తో ప్ర‌భంజ‌నం సృష్టిస్తోంది. రిలీజ్ అయిన రోజు నుండి కొత్త రికార్డులను క్రియేట్ చేస్తూ దూసుకు పోతున్న ఆర్ఆర్ఆర్.. మొదటి వారం ఎండింగ్‌లో కొంచం స్లో అయినట్లు అనిపించినా మళ్ళీ పుంజుకుని దుమ్మ‌దులిపేస్తోంది. ప‌ది రోజు కూడా ఈ మూవీ రూ. 16.10 కోట్ల రేంజ్ లో షేర్ ను రాబ‌ట్టి లాభాల ప‌ట్టింది. ఆర్ఆర్ఆర్ 10 డేస్ వ‌ర‌ల్డ్ వైట్ టోట‌ల్ క‌లెక్ష‌న్స్ ఇలా ఉన్నాయి.
నైజాం- రూ. 97.06 కోట్లు
సీడెడ్- రూ. 44.80 కోట్లు
ఉత్త‌రాంధ్ర- రూ. 30.05 కోట్లు
తూర్పు గోదావ‌రి- రూ. 13.75 కోట్లు
పశ్చిమ గోదావ‌రి- రూ. 11.60 కోట్లు
గుంటూరు- రూ. 16.31 కోట్లు
కృష్ణ- రూ. 12.98 కోట్లు
నెల్లూరు- రూ. 7.95 కోట్లు
———————————–
ఏపీ+తెలంగాణ మొత్తం- రూ.234.50 కోట్లు (రూ.351.15 కోట్లు~ గ్రాస్)
———————————–
క‌ర్ణాట‌క- రూ. 37.15 కోట్లు
తమిళనాడు- రూ. 33.70 కోట్లు
కేరళ- రూ. 9.25 కోట్లు
హిందీ- రూ. 91.10 కోట్లు
రెస్ట్ ఆఫ్ ఇండియా- రూ. 6.90 కోట్లు
ఓవ‌ర్సీస్‌- రూ. 84.20 కోట్లు
———————————–
వ‌ర‌ల్డ్ వైడ్ టోట‌ల్ క‌లెక్ష‌న్‌= రూ. 496.80 కోట్లు (గ్రాస్- రూ. 900 కోట్లు)
———————————–
కాగా, ప్ర‌పంచ‌వ్యాప్తంగా రూ. 451 కోట్ల ప్రీ రిలీజ్ బిజినెస్ చేసిన ఈ చిత్రం.. రూ. 453 కోట్ల టార్గెట్‌తో బ‌రిలోకి దిగింది. 10 వ రోజు మార్నింగ్ షోల టైం కే బ్రేక్ ఈవెన్ మార్క్ ని అందుకుని క్లీన్ హిట్‌గా నిలిచిన ఈ చిత్రం.. ఇప్పుడు రూ.43.80 కోట్ల ప్రాఫిట్ తో దూసుకుపోతోంది.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!