AP News Ministers List: ఆంధ్రప్రదేశ్ కొత్త కేబినెట్ ఖారారు అయ్యింది. సీనియారిటీ, పనితీరు, కులాల సమీకరణ తదితర అంశాలపై తీవ్ర స్థాయిలో కరసత్తు చేసిన సీఎం వైఎస్ జగన్ పాత కొత్త కలయికలతో మంత్రివర్గాన్ని ఖరారు చేశారు. ఈ సారి బీసీలకు అధిక ప్రాధాన్యత ఇచ్చారు.
AP News Ministers List: నూతన కేబినెట్ లిస్ట్ ఇది.
- శ్రీకాకుళం జిల్లా నుండి ధర్మన ప్రసాద రావు (వెలమ), సీదిరి అప్పలరాజు (మత్యకార)
- విజయనగరం జిల్లా నుండి బొత్స సత్యనారాయణ (తూర్పు కాపు)
- పార్వతీపురం జిల్లా నుండి రాజన్న దొర (ఎస్టీ)
- విశాఖ జిల్లా నుండి గుడివాడ అమర్‌నాధ్‌ (కాపు), ముత్యాలనాయుడు (కొప్పుల వెలమ)
- కాకినాడ జిల్లా నుండి- దాడిశెట్టి రాజా (కాపు)
- కోనసీమ జిల్లా నుండి పినిపె విశ్వరూప్‌ (ఎస్సి), చెల్లుబోయిన వేణుగోపాల కృష్ణ (బీసి – శెట్టి బలిజ)
- తూర్పు గోదావరి జిల్లా నుండి తానేటి వనిత (మాదిగ – ఎస్సీ)
- పశ్చిమ గోదావరి జిల్లా నుండి కారుమూరి నాగేశ్వరరావు ( యాదవ – బీసి), కొట్టు సత్యనారాయణ (కాపు)
- కృష్ణా జిల్లా నుండి జోగి రమేష్ (గౌడ – బీసి)
- గుంటూరు జిల్లా నుండి అంబటి రాంబాబు (కాపు), మేరుగ నాగార్జున (మాల), విడదల రజని (బీసి – రజక)
- నెల్లూరు జిల్లా జిల్లా నుండి కాకాణి గోవర్ధన రెడ్డి (ఓసి – రెడ్డి)
- కడప జిల్లా నుండి అంజద్‌ బాషా (మైనార్టీ)
- కర్నూలు జిల్లా నుండి బుగ్గన రాజేంద్రనాధ్ రెడ్డి (ఓసి – రెడ్డి), గుమ్మనూరు జయరాం (బీసి – బోయ)
- చిత్తూరు జిల్లా నుండి పెద్దిరెడ్డి రామచంద్రారెడ్డి (ఓసి – రెడ్డి), నారాయణ స్వామి (ఎస్సీ), ఆర్‌ కే రోజా (ఓసీ – రెడ్డి)
- అనంతపురం జిల్లా నుండి ఉషా శ్రీ చరణ్‌ (కురుప బీసి),
- ప్రకాశం జిల్లా నుంచి ఆదిమూలపు సురేష్ (ఎస్సీ)
మంత్రివర్గంలో క్షత్రియ, ఆర్యవైశ్య, బ్రాహ్మణ కమ్మ సామాజికవర్గాలకు చోటు కల్పించలేకపోయిన పోవడంతో ఆ వర్గాలకు చెందిన నేతలకు కేబినెట్ ర్యాంక్ పదవులను ఎంపిక చేశారు. చీఫ్ విప్ గా ఎం ప్రసాదరాజు, డిప్యూటి స్పీకర్ గా కొలగట్ల వీరభద్రస్వామి, ప్లానింగ్ బోర్డు చైర్మన్ గా కొడాలి నాని, వైస్ చైర్మన్ గా మల్లాది విష్ణు లను జగన్ నియమిస్తున్నారు. త్వరలో ఏపి స్టేట్ డెవలప్ మెంట్ బోర్డు ను ప్రభుత్వం ఏర్పాటు చేయనుంది.