టాలీవుడ్ ఇండస్ట్రీలో అందరి హీరోల అభిమానులు ఒక ఎత్తు అయితే పవన్ అభిమానులు మరొక ఎత్తు. సాధారణంగా ఇండస్ట్రీలో హీరోలకు బయట అభిమానులు ఉంటారు కానీ పవన్ కళ్యాణ్ కి బయట మాత్రమే కాదు ఇండస్ట్రీలో కూడా చాలామంది హీరోలు నటీనటులు అభిమానులు. మరి ముఖ్యంగా వీరాభిమానులు పవన్ కళ్యాణ్ కి చాలామంది ఎక్కువ. పవన్ సినిమా విడుదలవుతుందంటే చాలు అభిమానులకు పండగే. జయప్రజయాలతో సంబంధం లేకుండా పవన్ కళ్యాణ్ సినిమాల ఓపెనింగ్స్ కలెక్షన్స్ ఉంటాయి.
పవన్ సినిమా విడుదలయ్యే టైంలో దరిదాపుల్లో మరొక సినిమా కూడా విడుదల చేయడానికి ఎవరు కూడా సాహసించరు. ఇక పవన్ పుట్టినరోజు వస్తుందంటే చాలు అభిమానులు బయట సోషల్ మీడియాలో కూడా రచ్చ రచ్చ చేస్తుంటారు. సెప్టెంబర్ రెండవ తారీకు పవన్ కళ్యాణ్ పుట్టినరోజు సందర్భంగా ఇప్పటికే భారీ ఎత్తున ఏర్పాట్లు ప్లాన్ చేసుకుంటూ ఉన్నారు. అయితే పుట్టినరోజుకు నెల రోజులకు ముందే తాజాగా ఒక సాహసం చేశారు ఫ్యాన్స్.
విషయంలోకి వెళ్తే తమిళనాడులో హోసూర్ లోని కొట్టే మరియమ్మ ఉత్సవాలలో పవన్ అభిమానులు శరీరానికి సిక్కులు గుచ్చుకోగా.. క్రేన్ లు పైకి ఎత్తాయి. అలా వేలాడుతూనే పవన్ కళ్యాణ్ ఫ్లెక్సీని ఏర్పాటు ప్రదర్శించారు. ఇది ప్రమాదకరమని ఇలాంటివి చేయొద్దంటూ… నేటిజన్ లు విజ్ఞప్తి చేస్తున్నారు. గతంలో ఎన్టీఆర్ ఇంకా కోలీవుడ్ స్టార్ హీరో విజయ్ అభిమానులు కూడా ఇదే రీతిలో చేయడం జరిగింది. సోషల్ మీడియాలో ఈ రకంగా ఫ్లెక్సీలు సాహసోపేతంగా.. ప్రాణాతకరంగా క్రేన్ లు ద్వారా అభిమానాన్ని చాటడం దారుణమని వీడియోలు చూసి నేటిజెన్ లు మండిపడుతున్నారు.