భారీగా `మాచ‌ర్ల నియోజ‌క‌వ‌ర్గం` బిజినెస్‌.. నితిన్ టార్గెట్ పెద్ద‌దే!

యంగ్ అండ్ టాలెంటెడ్ హీరో నితిన్ గ‌త కొంత కాలం నుండి వ‌రుస ఫ్లాపుల‌తో స‌త‌మ‌తం అవుతున్న సంగ‌తి తెలిసిందే. `భీష్మ‌` త‌ర్వాత ఈయ‌న ఖాతాలో మ‌రో హిట్ ప‌డ‌లేదు. అయితే ఈ సారి ఎలాగైనా హిట్టు కొట్టాల‌ని ప‌ట్టుద‌ల‌తో ఉన్న నితిన్‌.. `మాచర్ల నియోజవర్గం`తో ప్రేక్ష‌కుల‌ను ప‌ల‌క‌రించేందుకు సిద్ధం అవుతున్నాడు.

శ్రేష్ట్ మూవీస్ బ్యానర్‌పై సుధాకర్ రెడ్డి, నిఖిత రెడ్డి నిర్మించిన ఈ సినిమాతో ఎం.ఎస్‌.రాజశేఖర్‌ రెడ్డి దర్శకుడిగా ప‌రిచ‌యం అవుతున్నాడు. ఇందులో కృతి శెట్టి, కేథ‌రిన్ థ్రెసా హీరోయిన్లుగా న‌టించారు. ద‌ర్శ‌క‌న‌టుడు స‌ముద్ర‌ఖ‌ని విల‌న్‌గా చేశాడు. పొలిటిక్ బ్యాక్‌డ్రాప్‌లో యాక్ష‌న్ ఎంట‌ర్టైన‌ర్‌గా రూపుదిద్దుకున్న ఈ చిత్రం రేపు గ్రాండ్ రిలీజ్ కాబోతోంది.

అయితే గ‌త రెండేళ్ల నుంచి స‌రైన హిట్ లేక‌పోయినా.. `మాచర్ల నియోజవర్గం` సినిమాకు మాత్రం భారీగా ప్రీ రిలీజ్ బిజినెస్ జ‌రిగింది. తెలుగు రాష్ట్రాల్లోనే ఈ చిత్రం రూ. 19 కోట్ల రేంజ్‌లో బిజినెస్ చేయ‌గా.. కేవ‌లం నైజాంలో దాదాపు అరు కోట్లకుపైగా థియేట్రికల్ రైట్స్ అమ్ముడుపోయినట్లు తెలుస్తోంది. ఇక వ‌ర‌ల్డ్ వైడ్‌గా ఈ మూవీ టోట‌ల్ ప్రీ రిలీజ్ బిజినెస్ లెక్క‌ల‌ను ఓ సారి గ‌మ‌నిస్తే..

నైజాం: 6 కోట్లు
సీడెడ్: 3 కోట్లు
ఆంధ్రా: 10 కోట్లు
————————–
ఏపీ+తెలంగాణ‌= 19 కోట్లు
————————–

క‌ర్ణాట‌క‌+రెస్టాఫ్ ఇండియా: 1 కోట్లు
ఓవ‌ర్సీస్‌ – 1.20 కోట్లు
——————————
టోట‌ల్ బిజినెస్‌= 21.20 కోట్లు
——————————

కాగా, వ‌ర‌ల్డ్ వైడ్‌గా రూ. 21.20 కోట్లు ప్రీ రిలీజ్ బిజినెస్ చేసిన ఈ చిత్రం.. రూ. 22 కోట్ల బ్రేక్ ఈవెన్ టార్గెట్‌తో రేపు బ‌రిలోకి దిగుతోంది. ఇది నితిన్ కు చాలా పెద్ద టార్గె అయిన‌ప్ప‌టికీ.. టాక్ బాగుంటే లాంగ్ ర‌న్‌లో ఖ‌చ్చితంగా బ్రేక్ ఈవెన్‌ను రీచ్ అవ్వొచ్చు.

Macherla Mass Jathara Repati nundi modhalu! 🔥#MacherlaNiyojakavargam
RELEASING TOMORROW💥🥁

Grab Your Seats now!
🎟️ https://t.co/VqNW73sIF8
🎫 https://t.co/1zDIru2yb0#MNVFromAug12th ✅@actor_nithiin @IamKrithiShetty @SrSekkhar @SreshthMovies #MahathiSwaraSagar @adityamusic pic.twitter.com/Clk6hG5fi6

— Sreshth Movies (@SreshthMovies) August 11, 2022