13 ఏళ్ల క్రిందట రిలీజ్ అయిన అవతార్ సినిమా వరల్డ్ వైడ్ బాక్సాఫీస్ వద్ద వేల కోట్ల రూపాయలను కలెక్ట్ చేసింది. అప్పటివరకు ఉన్న చలనచిత్ర రికార్డులన్నిటినీ కొల్లగొట్టింది. ఆ తర్వాత చాలా ఏళ్ల వరకు ఏ సినిమా కూడా అవతార్ సినిమా రికార్డులను అందుకోలేకపోయింది. తర్వాత టికెట్ ధరలు పెరగడం, వ‌ర‌ల్డ్‌వైడ్‌గా విడుదల కావడం వల్ల వేరే సినిమాలు దాని దాటగలిగాయి. కానీ అప్పటి లెక్క ప్రకారం చూసుకుంటే ఇప్పుడు కూడా అవతార్ సినిమా ఒక రికార్డు అనే చెప్పాలి. అవతార్ సినిమాకి ఇంకో మూడు సీజన్స్ ప్రకటించిన సంగతి మనందరికీ తెలిసిందే.
ఆ సమయం నుంచి ఇండియాలో రీరిలీజ్
ఇందులో మొదటి సీక్వెల్ ఈ ఏడాది డిసెంబర్ నెలలో రిలీజ్ కానుంది. కాగా ఇప్పటికే అవతార్ సినిమా వచ్చి 13 ఏళ్లు దాటిపోయింది. దాంతో ప్రేక్షకులకు అవతార్ సినిమా స్టోరీ చాలావరకు మర్చిపోయి ఉంటారు. కాబట్టి సీక్వెల్ చూసే ముందు అసలు అవతార్ సినిమాని ఒకసారి చూడటం మంచిది. అది టీవీలోనూ, ఫోన్లోనో చూస్తే కిక్ ఉండదు. కాబట్టి మళ్లీ వెండి తెరపై అవతార్ సినిమా చూడటానికి అభిమానులకు మరొక అవకాశం వచ్చింది. ఇండియా వైడ్ గా సెప్టెంబర్ 23 నుంచి రెండు వారాలపాటు అవతార్ సినిమాను ప్రేక్షకుల ముందుకు తీసుకురాబోతున్నారు.
అద్భుతమైన అనుభూతి అందించడమే లక్ష్యం
ఆల్రెడీ వచ్చిన సినిమానే కాబట్టి అంత హడావుడి ఏమి ఉండదులే అని అనుకోకండి. ఈ సినిమా కోసం ప్రధాన మల్టీప్లెక్స్ లు భారీగా షోలు కేటాయించబోతున్నాయి. 13 ఏళ్ల క్రితం చూసిన అవతార్ సినిమా మంచి అనుభూతిని కలిగిస్తే ఇప్పుడు రీరిలీజ్ అవ్వబోతున్న అవతార్ సినిమా ప్రింట్‌ను రిమాస్టర్ చేసి 4k రిజల్యూషన్‌తో ఇంకా మంచి సాండ్ తో.. 3Dలో సినిమా రిలీజ్ చేయనున్నారు. అవతార్ 2 పై కూడా ఎక్కువ అంచనాలు పెరుగుతాయి. జెమ్స్ కెమెరూన్ లాంటి దర్శకుడు టైటానిక్ వంటి బ్లాక్ బస్టర్ హిట్ తర్వాత 11 ఏళ్లు గ్యాప్ తీసుకొని అవతార్ సినిమాని రూపొందించారు. మళ్లీ ఇప్పుడు అవతార్ 2 తీసుకురాబోతున్నారు. దాంతో అవతార్ 2 కూడా బాక్స్ ఆఫీస్ ను ఒక రేంజ్ లో షేక్ చేస్తుందని అభిమానులు అంచనా పెట్టుకున్నారు.