Stress: ఆధునిక జీవితానికి ఒత్తిడి తొలి శత్రువు..! మనసును అల్లకల్లోల పరుస్తుంది.. శరీరాన్ని రుగ్మతల పాలు చేస్తుంది?. స్థిమితంగా నిద్రపోనివ్వదు.. కుదురుగా ఉద్యోగమో వ్యాపారమో చేసుకొనివ్వదు.. డిప్రెషన్ నుంచి గుండెపోటు వరకు సకల రుగ్మతలకు అదే స్వాగతం ద్వారం.. ఒత్తిడి ఎక్కువైతే ఎటువంటి అనారోగ్య సమస్యలు వస్తాయో ఇప్పుడు తెలుసుకుందాం..!
స్ట్రెస్ వల్ల మానసిక ఆరోగ్యంతో పాటు శారీరక ఆరోగ్యం కూడా దెబ్బతింటుంది. ఒత్తిడి వల్ల మీ ఆలోచనల్లో మార్పులు వస్తాయి. ఏకాగ్రతను కోల్పోతారు. పనిపై శ్రద్ధ ఉండదు ఏ పని కుదురుగా చేయలేకపోతుంటారు. మీ మెదడు విశ్రాంతి లేకుండా ఆలోచిస్తూనే ఉంటుంది. ఎప్పుడు చూసినా విసుగ్గానే ఉంటారు. ఊరికే చిరాకు పడుతుంటారు. ఎవరితో మాట్లాడటానికి కూడా ఇష్టపడరు. ఆందోళనకు గురవుతారు. తమని తామే తక్కువగా అంచనా వేసుకుంటూ ఉంటారు. డిప్రెషన్ కి లోనవుతారు. ఎంతమందిలో ఉన్నా కానీ ఒంటరిగా గా ఫీల్ అవుతారు. ఇంకా తలనొప్పిగా ఉంటుంది. తెల్లవార్లు నిద్ర ఉండదు. కాళ్లు చేతులు చల్లబడుతూ ఉంటాయి..
ఒత్తిడి ఇలాగే ఎక్కువ రోజులపాటు కొనసాగితే గుండె , గుండెపోటుతో పాటు ఇతర హార్ట్ ప్రాబ్లమ్స్ కూడా వస్తాయి. అధిక రక్తపోటు బారిన పడవచ్చు. అలాగే డిప్రెషన్, డయాబెటిస్, ఉబకాయం, స్కిన్ ప్రాబ్లమ్స్, లైంగిక సమస్యలు, సెక్స్ పై కోరికలు తగ్గిపోవడం, పల్స్ రేటు మారడం, అల్సర్, ఎప్పుడూ ఏదో ఒకటి తినాలని అనిపించడం, మతిమరుపు వంటి సమస్యలు వస్తాయి.. సాధ్యమైనంత వరకు ఒత్తిడిని తగ్గించుకోవడానికి ప్రయత్నం చేయండి..