అగ్రరాజ్యం అమెరికా అధ్యక్షుడు జో బైడెన్ సమస్యల్లో చిక్కుకున్నారు. ఆయన నివాసంలో 13 గంటల పాటు ఫెడరల్ బ్యూర్ ఆఫ్ ఇన్వెస్టిగేషన్ (ఎఫ్ బీ ఐ) అధికారులు సోదాలు జరిపారు. విల్మింగ్డన్ లోని బైడెన్ స్వగృహంలో సోదాలు జరిపిన ఎఫ్ బీ ఐ అధికారులు ఆరు రహస్య పత్రాలను స్వాధీనం చేసుకున్నారు. ఇప్పటి వరకూ బైడెన్ వద్ద దాదాపు 12 రహస్య పత్రాలు బయటపడ్డాయి. ఈ రహస్య పత్రాల కేసును దర్యాప్తు చేయడానికి అటార్నీ జనరల్ గార్లాండ్ .. రాబర్ట్ హర్ అనే న్యాయవాదిని నియమించారు. బైడెన్ నివాసంలో సోదాలు జరిగిన విషయాన్ని బైడెన్ వ్యక్తిగత న్యాయవాది బాబ్ బాయర్ వెల్లడిస్తూ .. ఎఫ్ బీ ఐ అధికారులు బైడెన్ ఇంట్లో సోదాలు చేపట్టారనీ, ఆరు రహస్య పత్రాలను స్వాధీనం చేసుకున్నారని తెలిపారు. కొన్ని సెనేట్ లో బైడెన్ ఉన్నప్పటి పత్రాలు కాగా, మరి కొన్ని 2009 – 16 మద్య బైడెన్ అమెరికా ఉపాధ్యక్షుడిగా ఉన్నప్పటివి అని తెలిపారు.
న్యాయశాఖ జరుపుతున్న జరుపుతున్న దర్యాప్తునకు పూర్తిగా సహకరించమని బైడెన్ తమకు ఆదేశించినట్లు ఆయన వ్యక్తిగత న్యాయవాది రిచర్డ్ సౌరబ్ తెలిపారు. ఎఫ్ బీ ఐ సోదాల సమయంలో బైడెన్ గానీ, ఆయన భార్య గానీ ఇంట్లో లేరని చెప్పారు. అధ్యక్షుడి న్యాయవాదులు, వైట్ హౌస్ కౌన్సిల్ కార్యాలయం విచారణకు పూర్తిగా సహకరిస్తుందని ఆయన వెల్లడించారు. అమెరికాలో అధ్యక్షుడు, ఉపాధ్యక్షుడు తదితర ఉన్నత స్థాయిలోని కొద్ది మందికి మాత్రమే రహస్య పత్రాలు అందుబాటులో ఉంటాయి. తమ పదవీ కాలం పూర్తి అవ్వగానే వాటిని అమెరికా జాతీయ అర్కైవ్స్ కు అప్పగించి వెళ్లాలనేది నిబంధన.
అయితే వాషింగ్డన్ డీసీలోని పెన్ బైడెన్ సెంటర్ లోని కార్యాలయ స్థలాన్ని ఖాళీ చేయడానికి అక్కడ ఉన్న బీరువాలో ఫైళ్లను అధ్యక్షుడి వ్యక్తిగత న్యాయవాదులు ప్యాక్ చేస్తుండగా కీలక రహస్య పత్రాలు బయటపడ్డాయి. 2017 నుండి 2020 అధ్యక్ష ఎన్నికల ప్రచారం మొదలయ్యే వరకూ ఈ కార్యాలయాన్ని బైడెన్ ఉపయోగించుకున్నారు. ఈ రహస్య పత్రాలు గత ఏడాది నవంబర్ 2నే బయటపడగా, అప్పుడే నేషనల్ అర్కైవ్స్ కు సమాచారం ఇచ్చామని బైడెన్ న్యాయవాద బృందం వెల్లడించింది.
అమెరికాలో మళ్లీ కాల్పుల కలకలం .. తొమ్మిది మంది మృతి