మాజీ రాష్ట్ర‌ప‌తి పాత్ర‌లో ప‌రేష్‌రావ‌ల్ 

మాజీ రాష్ట్ర‌ప‌తి, మిసైల్ మేన్ ఏపీజే అబ్దుల్‌క‌లాం జీవిత చరిత్ర‌ను వెండితెర‌పై ఆవిష్క‌రించే ప్ర‌య‌త్నాలు జ‌రుగుతున్నాయి. అభిషేక్ పిక్చ‌ర్స్ అభిషేక్ అగ‌ర్వాల్‌, ఎ.కె.ఎంట‌ర్‌టైన్‌మెంట్స్ అనీల్ సుంక‌ర ఈ చిత్రాన్ని నిర్మించ‌బోతున్నామ‌ని ప్ర‌క‌టించారు. అంతే త‌ప్ప ఈ సినిమాకు ద‌ర్శ‌కుడు, టైటిల్ పాత్ర‌ను ఎవ‌రు పోషిస్తార‌నే దానిపై ఇంకా ఏ క్లారిటీ ఇవ్వ‌లేదు. అనీల్ సుంక‌ర‌నే ఈ సినిమాను డైరెక్ట్ చేయాల‌నుకుంటున్నాడ‌ని, హాలీవుడ్ స్టాండ‌ర్డ్స్‌లో సినిమాను తెర‌కెక్కించేలా నిర్మాత‌లు ప్లాన్స్ చేసుకుంటున్నార‌ని టాక్‌. లేటెస్ట్ న్యూస్ ప్ర‌కారం ఈ చిత్రంలో టైటిల్ పాత్ర‌ను ప‌రేష్ రావ‌ల్ పోషించ‌బోతున్నాడ‌ని అంటున్నారు. త్వ‌ర‌లోనే ఈ సినిమాకు సంబందించిన అధికారిక ప్ర‌క‌ట‌న వెలువ‌డ‌నుంది.