Samantha Sai Pallavi: హీరోయిన్ సాయి పల్లవి గురించి ప్రత్యేకంగా చెప్పనవసరం లేదు. తెలుగు చలనచిత్ర పరిశ్రమలో ఫిదా సినిమాతో హీరోయిన్ గా ఎంట్రీ ఇచ్చిన.. సాయి పల్లవి.. తన టాలెంట్ నిరూపించుకొని స్టార్ హీరోయిన్ అయిపోయింది. తమిళనాడుకు చెందిన ఈ ముద్దుగుమ్మ ఒకపక్క వైద్య విద్య వంటి ఉన్నతమైన చదువు చదివి సినిమా రంగ ప్రవేశం చేసి స్టార్ హీరోయిన్ అయింది. 2005వ సంవత్సరం నుండి సినిమా రంగంలో అడుగుపెట్టిన సాయి పల్లవి మొదట తమిళ్ సినిమాలో నటించింది తర్వాత మలయాళంలో “ప్రేమమ్” సినిమాతో హీరోయిన్ గా దక్షిణాదిలో మంచి గుర్తింపు సంపాదించింది.
తెలుగులో మొదట ఫిదా చేయగా ఈ సినిమా కోసం సొంతంగా తెలుగు నేర్చుకుని తన పాత్రకి తానే స్వయంగా డబ్బింగ్ చెప్పుకుంది. తర్వాత తెలుగులో అనేక అవకాశాలు అందుకుని విజయాలు సాధించింది. నటనతో పాటు డాన్స్ విషయములో సాయి పల్లవికి దక్షిణాదిలో ఎవరు పోటీ ఇవ్వలేరు. ఈ విషయాన్ని చాలామంది ఇండస్ట్రీ కి చెందిన వాళ్ళు చెబుతుంటారు. అయితే సాయి పల్లవి డాన్స్ గురించి హీరోయిన్ సమంత తాజాగా ఆసక్తికరమైన వ్యాఖ్యలు చేయడం జరిగింది. ‘సాయిపల్లవి మంచి డాన్సర్. గతంలో ఆమె పాల్గొన్న డాన్స్ షోలకు నేను జడ్జిగా వ్యవహరించా. అప్పుడు ఆమె డాన్స్ నీ చూస్తూ మైమరిచిపోయేదాన్ని’ అని సామ్ చెప్పారు.
టాలీవుడ్ ఇండస్ట్రీలో టాప్ డాన్సర్ లలో హీరోయిన్ సమంత కూడా ఒకరు. అటువంటి ఆమె తోటి హీరోయిన్ సాయి పల్లవి డాన్స్ గురించి పాజిటివ్ కామెంట్లు చేయటం ఇండస్ట్రీలో వైరల్ గా మారింది. కాగా నాగ చైతన్య, సాయిపల్లవి జంటగా ‘తండేల్’ మూవీ తెరకెక్కుతోంది. వచ్చే దసరాకు ఈ సినిమా ప్రేక్షకుల ముందుకు రానున్నట్లు టాక్. గతంలో నాగచైతన్యతో లవ్ స్టోరీ అనే సినిమాలో సాయి పల్లవి నటించింది. శేఖర్ కమ్ముల దర్శకత్వంలో తెరకెక్కిన ఈ సినిమా మంచి విజయం సాధించింది. కాగా ఇప్పుడు “తాండేల్”తో మరోసారి ప్రేక్షకులను అలరించడానికి ఈ జంట సిద్ధపడుతూ ఉంది. గీతా ఆర్ట్స్ బ్యానర్ లో ఈ సినిమా చిత్రీకరణ జరుపుకుంది.
Ma Annayya: ఆ సీరియల్ నటుడుతో ప్రేమాయణం నడుపుతున్న మా అన్నయ్య సీరియల్ ఫేమ్ శ్వేతా రెడ్డి.. ఫోటోలతో అడ్డంగా బుక్..!