Tamannaah: తమన్నా భాటియా.. టాలీవుడ్ నుంచి బాలీవుడ్ వరకు ఈ ముద్దుగుమ్మ తెలియని సినీ ప్రియులు ఉండరు. ముంబైలో జన్మించిన తమన్నా.. 13 ఏళ్ల వయసులోనే నటనలో శిక్షణ తీసుకోవడం ప్రారంభించింది. 2005లో అభిజీత్ సావంత్ ఆల్బమ్ ఆప్కా అభిజీత్ లోని లఫ్జో మే పాటతో తమన్నా వినోద పరిశ్రమలోకి ఎంట్రీ ఇచ్చింది . ఆ తర్వాత చాంద్ సా రోషన్ చెహ్రా సినిమాతో తొలిసారి వెండితెర‌పై మెరిసింది. అయితే ఈ చిత్రం బాక్సాఫీస్ వద్ద బోల్తా ప‌డింది. అదే సంవత్సరం 2006లో శ్రీ మూవీతో తెలుగు ఇండ‌స్ట్రీలోకి కేడి చిత్రంతో తమిళ ఇండ‌స్ట్రీలోకి ప్ర‌వేశించింది. 2007లో వ‌చ్చిన హ్యాపీ డేస్ చిత్రం తమన్నా కెరీర్ కు ట‌ర్నంగ్ పాయింట్ గా నిలిచింది.
శేఖ‌ర్ క‌మ్ముల డైరెక్ట్ చేసిన ఈ చిత్రం భారీ విజ‌యాన్ని సాధించ‌డంతో తమన్నా వెనక్కి తిరిగి చూసుకోలేదు. బ్యాక్ టు బ్యాక్ సినిమాల్లో న‌టిస్తూ అత‌ని కాలంలోనే స్టార్ హోదాను ద‌క్కించుకుంది. ద‌క్షిణాదితో పాటు ఉత్త‌రాదిలో కూడా నేమ్ అండ్ ఫేమ్ సంపాదించుకుంది. ఇండస్ట్రీ లోకి వచ్చి 20 ఏళ్లు అవుతున్నా తరగని అందం, తగ్గని ఆఫర్లతో కెరీర్ ను పరుగులు పెట్టిస్తోంది. ప్ర‌స్తుతం చేతి నిండా సినిమాలు, కుదిరిన‌ప్పుడ‌ల్లా వెబ్ సిరీస్ లు, మ‌రోవైపు బ్రాండ్ ప్ర‌మోష‌న్స్ చేస్తూ క్ష‌ణం తీరిక లేకుండా గ‌డిపేస్తోంది.
ఈ సంగ‌తి పక్క‌న పెడితే.. త‌మ‌న్నాను అభిమానులు మ‌రియు సినీ తార‌లు ముద్దుగా మిల్కీ బ్యూటీ అని పిలుస్తుంటారు. ఈ విష‌యం అంద‌రికీ తెలుసు. కానీ త‌మ‌న్నాకు మరో పేరు కూడా ఉంది. ఇంత‌కీ ఆ పేరేంటో తెలుసా.. డ్యాన్సింగ్ డాల్. ఇటువంటి పేరు త‌మ‌న్నాకు ఉంద‌న్న సీక్రెట్ ఆమె ఫ్యాన్స్ కు సైతం తెలియ‌దు. మరో ఇంట్రెస్టింగ్ విష‌యం ఏంటంటే.. త‌మ‌న్నాకు డ్యాన్సింగ్ డాల్ అని పేరు పెట్టింది మ‌న టాలీవుడ్ హీరోనే.
ఆ హీరో మ‌రెవ‌రో కాదు ఐకాన్ స్టార్ అల్లు అర్జున్. తమన్నా, అల్లు అర్జున్ జంట‌గా బద్రినాథ్ చిత్రంలో న‌టించారు. వి.వి.వినాయక్ డైరెక్ట్ చేసిన ఈ చిత్రాన్ని అల్లు అర‌వింద్ భారీ బ‌డ్జెట్ తో గీతా ఆర్ట్స్ బ్యాన‌ర్ పై నిర్మించారు. 2011లో ఎన్నో అంచ‌నాల న‌డుమ విడుద‌లైన బద్రినాథ్ చిత్రం బాక్సాఫీస్ వద్ద బోల్తా కొట్టింది. అయితే ఈ సినిమాలో సాంగ్స్ మ‌రియు అల్లు అర్జున్ – తమన్నా కెమిస్ట్రీ మాత్రం బాగానే అల‌రించారు.
ఇక‌పోతే స్వతహాగా అల్లు అర్జున్ ఎంత గొప్ప డ్యాన్స‌రో ప్ర‌త్యేకంగా చెప్ప‌క్క‌ర్లేదు. అటువంటి ఆయ‌న్ను బద్రినాథ్ షూటింగ్ స‌మ‌యంతో తమన్నా త‌న డాన్సింగ్ టాలెంట్ తో ఫిదా అయ్యేలా చేసింది. అల్లు అర్జున్ తో పాటు ప‌ర్ఫెక్ట్ సింక్ లో స్టెప్పులు వేస్తూ అద‌ర‌గొట్టేసింద‌ట. ఈ నేప‌థ్యంలోనే త‌మ‌న్నాకు అల్లు అర్జున్ అప్ప‌ట్లో డ్యాన్సింగ్ డాల్ అని బిరుదు ఇచ్చార‌ట. అలాగే ఇండ‌స్ట్రీలో త‌మ‌న్నాకు మిల్కీ బ్యూటీతో పాటు డ్యాన్సింగ్ డాల్ అనే పేరు కూడా వ‌చ్చింది. కాగా, తమన్నా సినిమాల విష‌యానికి వ‌స్తే.. ప్ర‌స్తుతం ఈ బ్యూటీ బాలీవుడ్ లో నిక్కిల్ అద్వానీ దర్శకత్వంలో జాన్ అబ్రహంతో క‌లిసి వేదా అనే యాక్షన్ థ్రిల్లర్ చిత్రంలో న‌టిస్తోంది. అలాగే త‌మిళంలో అరణ్మనై 4 అనే హారర్-కామెడీ సీక్వెల్ చేస్తోంది. సుందర్ సి ఈ మూవీకి ద‌ర్శ‌కుడు. తెలుగులో ఒదెల 2 అనే క్రైమ్ థ్రిల్లర్ మూవీకి క‌మిట్ అయింది. అశోక్ తేజ దర్శకత్వం వహిస్తున్న ఈ చిత్రంలో తమన్నా భాటియా ప్ర‌ధాన పాత్ర‌లో క‌నిపించ‌బోతోంది. ఇటీవ‌లె ఈ మూవీ షూటింగ్ స్టార్ట్ అయింది. వీటితో మ‌రికొన్ని ప్రాజెక్ట్స్ కూడా తమన్నా చేతిలో ఉన్నాయి.