Atchan Naidu Arrest : బ్రేకింగ్: ఏపీ టీడీపీ అధ్యక్షుడు అచ్చెన్నాయుడు ని అరెస్ట్ చేసిన పోలీసులు..!!
Atchan Naidu Arrest : ఆంధ్రప్రదేశ్ రాష్ట్రంలో పంచాయతీ ఎన్నికలు చాలా రసవత్తరంగా సాగుతున్నాయి. ఎన్నికల కమిషనర్ అదేవిధంగా ప్రతిపక్షాలు అంతా కలిసి ముక్కు మడిగా వైసీపీ ప్రభుత్వాన్ని టార్గెట్ చేసినట్లు, వాళ్లంతా కలిసి పని చేస్తున్నట్లు వైసిపి వర్గాలు ఆరోపణలు చేస్తూ ఉన్నాయి. ముఖ్యంగా ఎన్నికల కమిషనర్ నిమ్మగడ్డను అడ్డంపెట్టుకుని ప్రతిపక్ష నేత చంద్రబాబు పంచాయతీ ఎన్నికల విషయంలో ప్రభుత్వని ఇరుకున పెట్టడానికి అనేక దారులు వెతుకుతున్నట్లు వార్తలు వస్తున్నాయి.
ఇదిలాఉంటే ఇటీవల ఏపీ టిడిపి అధ్యక్షుడు అచ్చెన్నాయుడు నియోజకవర్గంలో నిమ్మాడలో వైసిపి పార్టీ అభ్యర్థి నామినేషన్ వేస్తున్న సమయంలో అతనిపై దాడికి పాల్పడడంతో పాటు పోలీసులపై అచ్చెన్నాయుడు అనుచరులు దాడికి దిగడంతో అనేక విమర్శలు అచ్చెన్నాయుడు పై రావడం అందరికి తెలిసిందే. దీంతో ఈ విషయంపై కోటబొమ్మాళి పీఎస్లో అచ్చెన్నాయుడుపై కేసు నమోదు చేయటంతో, పోలీసులు అచ్చెన్నాయుడు ఇవ్వాళ అరెస్టు చేసినట్లు తెలుస్తోంది. సర్పంచ్ అభ్యర్థిని బెదిరించినట్లు కేసు పెట్టడంతో తాజాగా పోలీసులు ఆయనను అదుపులోకి తీసుకున్నారు. దీంతో నిమ్మాడలో టెన్షన్ వాతావరణం నెలకొంది. ఈ పరిణామంతో అచ్చెన్నాయుడు ఇంటివద్ద ముందస్తు జాగ్రత్తగా పోలీసులు భారీగా మోహరించారు.