Hansika: మిల్కీ బ్యూటీ తమన్నా ఇటీవలే త్వరలో పెళ్లి చేసుకోబోతున్నట్లు. పిల్లలను కనబోతున్నట్లు తెలిపింది. దక్షిణాది సినిమా రంగంలో ఒకప్పుడు వరుస అవకాశాలు అందుకున్న తమన్నా..కి ఇప్పుడు అవకాశాలు తగ్గుముఖం పట్టడం తెలిసిందే. అవకాశాలు వస్తున్నా కానీ సీనియర్ హీరోల సరసన నటించే పరిస్థితి. విక్టరీ వెంకటేష్ తో “F3” చేసిన తమన్నా ప్రస్తుతం చిరంజీవి హీరోగా మెహర్ రమేష్ దర్శకత్వంలో వస్తున్న “బోళా శంకర్” లో నటిస్తోంది. ఇటీవల బాలీవుడ్ ఇండస్ట్రీలో “బాబ్లీ బౌన్సర్” అనే సినిమా చేసి పరాజయం మూటగట్టుకుంది.
ఇలాంటి పరిస్థితుల్లో తాను పెళ్లికి వ్యతిరేకిని కాదని త్వరలో చేసుకోబోతున్నట్లు స్పష్టం చేసింది. ఇదిలా ఉంటే ఇప్పుడు తమన్నాతో పాటు మరో హీరోయిన్ కూడా పెళ్లికి రెడీ అయినట్లు ఇండస్ట్రీలో ప్రచారం జరుగుతోంది. పూర్తి విషయంలోకి వెళ్తే టీనేజ్ వయసులోనే సిల్వర్ స్క్రీన్ పై ఎంట్రీ ఇచ్చిన హన్సిక డిసెంబర్ నెలలో పెళ్లి చేసుకోబోతున్నట్లు వార్తలు వస్తున్నాయి. రాజస్థాన్ రాష్ట్రంలో జైపూర్ కోటలో హన్సిక పెళ్లి జరగనున్నట్లు సమాచారం. 2004వ సంవత్సరంలో ‘కోయి మిల్ గయా’ సినిమాతో ఎంట్రీ ఇచ్చిన హన్సిక మొత్తం అన్ని భాషల్లో 50 సినిమాలకు పైగానే నటించింది.
తెలుగులో పూరి జగన్నాథ్ దర్శకత్వంలో బన్నీ హీరోగా నటించిన “దేశముదురు” సినిమాలో చేసింది. ఆ తర్వాత రామ్ పోతినేని, జూనియర్ ఎన్టీఆర్, మంచు విష్ణు లతో నటించింది. అయితే తెలుగులో కంటే హన్సిక కి తమిళంలో విపరీతమైన ఫాలోయింగ్ ఉంది. ఒకప్పటి స్టార్ హీరోయిన్ లు కాజల్ అగర్వాల్, నయనతార.. ఇటీవల పెళ్లిళ్లు చేసుకున్నారు. వీళ్ళ సమకాలికలు హన్సిక మరియు తమన్నా కూడా ఇప్పుడు పెళ్లికి రెడీ అవటం విశేషం.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!