RRR – Pushpa 2: ఇంతక ముందు రాజమౌళి రూపొందించిన బాహుబలి సిరీస్ తర్వాత టాలీవుడ్లో మాత్రమే కాకుండా మొత్తం సౌత్ సినిమా ఇండస్ట్రీలలోనూ, బాలీవుడ్లో ఎలాంటి పరిణామాలు చోటు చేసుకున్నాయో అందరికీ తెలిసిందే. ముఖ్యంగా తెలుగుతో పాటు ఇతర సినిమా ఇండస్ట్రీలలో మార్కెట్ స్థాయి విపరీతంగా పెరిగింది. మల్టీస్టారర్ చిత్రాలు, భారీ బడ్జెట్ సినిమాలు అంటే బాహుబలి భాగాలు వచ్చే ముందు వరకు అందరూ బాలీవుడ్ ఇండస్ట్రీ వైపే చూసేవారు. కానీ, రాజమౌళి ఆ ఈక్వేషన్ను మార్చేశాడు.
బాహుబలి 1 అండ్ 2 చిత్రాలతో బాలీవుడ్ ఇండస్ట్రీ మొత్తం మన సౌత్ సినిమాల వైపూ మరీ ముఖ్యంగా తెలుగు సినిమాల వైపు చూడటం మొదలు పెట్టింది. ఇప్పటికే మన తెలుగులో బ్లాక్ బస్టర్ హిట్ సాధించిన చాలా సినిమాలను హిందీలో రీమేక్ చేసేందుకు ప్లాన్ చేస్తున్నారు. అంతేకాదు, మన హీరోలు ఇంతక ముందు నటించిన సినిమాలను డబ్ చేసి హిందీలో రిలీజ్ చేసుకుంటున్నారు. ఇక మన హీరోలతోనే బాలీవుడ్లో స్ట్రైట్ సినిమాలను నిర్మించేందుకు అక్కడి దర్శక – నిర్మాతలు క్యూ కడుతున్నారు. ఇక తాజా గా వచ్చి సంచలనం సృష్ఠించిన ఆర్ఆర్ఆర్ కొత్త రికార్డులను క్రియేట్ చేసిన సంగతి తెలిసిందే.
RRR – Pushpa 2: ఆర్ఆర్ఆర్ రికార్డులను టార్గెట్ చేసే మేకర్స్ ఇలా మార్పులు..
దాంతో ఇప్పుడు అన్నీ ఇండస్ట్రీలోని వారు దీనికి మించిన సినిమా చేయాలనే కసితో ఉన్నారు. ఇక తెలుగులో అన్నీ సినిమాల స్క్రిప్ట్ విషయంలో కొత్తగా మార్పులు చోటు చేసుకుంటున్నాయి. సుకుమార్-అల్లు అర్జున్ కాంబినేషన్లో వచ్చిన పుష్ప భారీ సక్సెస్ సాధించింది. ఇక ఈ పాటికే దీని సీక్వెల్ సినిమా మొదలవ్వాల్సి ఉండగా ఆర్ఆర్ఆర్ సాధించిన రికార్డులతో అంతకు మించి ఉండేలా పుష్ప పార్ట్ 2 స్క్రిప్ట్ను సుక్కూ తయారు చేస్తున్నాడట. ఆర్ఆర్ఆర్ రికార్డులను టార్గెట్ చేసే మేకర్స్ ఇలా మార్పులు చేసినట్టు తెలిసింది. అందుకే ఫిబ్రవరి నుంచే మొదలవ్వాల్సిన పుష్ప సీక్వెల్ షూటింగ్ ఇంకా పట్టాలెక్కకపోవడానికి కారణం.