HanuMan: విభిన్న చిత్రాలతో ప్రేక్షకులను అలరిస్తూ క్రియేటివ్ డైరెక్టర్ గా గుర్తింపు తెచ్చుకున్నాడు ప్రశాంత్ వర్మ.. ఇటీవల తన పుట్టినరోజు సందర్భంగా తన 4వ సినిమా “హనుమాన్” టైటిల్ ను అనౌన్స్ చేశారు.. అలాగే ఈ సినిమా మోషన్ పోస్టర్ ను విడుదల చేస్తూ తెలుగులో ఇదే మొదటి ఒరిజినల్ సూపర్ హీరో సినిమా.. అని ప్రకటించడంతో ఈ చిత్రంపై పాజిటివ్ బజ్ క్రియేట్ అయింది.. తాజాగా “హనుమాన్” సినిమా షూటింగ్ ను లాంఛనంగా ప్రారంభించారు..
ఇటీవల ఈ సినిమాలో తేజ సజ్జ హీరోగా నటిస్తున్నట్లు ప్రకటించారు. తేజ సజ్జ – ప్రశాంత్ వర్మ కాంబినేషన్ లో రిలీజ్ అయిన జాంబిరెడ్డి సినిమా విజయవంతమైంది. మళ్లీ వీరిద్దరి కాంబినేషన్లో హనుమాన్ సినిమా తెరకెక్కనుంది.. దీంతో ఈ సినిమాపై మంచి అంచనాలే ఏర్పడ్డాయి. ఫిక్షనల్ నేపథ్యంలో రూపొందుతున్న ఈ సినిమాని సి.కళ్యాణ్ నిర్మిస్తున్నారు. హీరో తేజ సజ్జ పై నిర్మాత సి.కళ్యాణ్ క్లాప్ ఇవ్వగా జెమిని కిరణ్ కెమెరా స్విచ్ ఆన్ చేశారు. ముహూర్తపు సన్నివేశాన్ని శివశక్తి దత్త దర్శకత్వం వహించారు. త్వరలోనే ఈ సినిమా రెగ్యులర్ షూటింగ్ మొదలు కానుంది. ఈ సినిమాకు సంబంధించిన హీరోయిన్, మిగతా తారాగణం, టెక్నీషియన్ల వివరాలు త్వరలోనే ప్రకటించనున్నారు మేకర్స్.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!