HBD Kamal Hassan: నేడు యూనివర్సల్ స్టార్ కమల్ హాసన్ పుట్టినరోజు. ఎన్నో వైవిధ్యకరమైన సినిమాలు చేస్తూ సినిమా ప్రేక్షకులను ఎంతగానో అలరించిన కమల్ దాదాపు అన్ని భాషల్లో కలిపి 200 కు పైగానే సినిమాలు చేయడం జరిగింది. ఎటువంటి క్యారెక్టర్ అయినా చేసే సత్తా కలిగిన కమల్ ఇండియన్ లెజెండరీ నటులలో ఒకరు. ఒకపక్క సినిమాలు చేస్తూనే మరోపక్క రాజకీయ రంగంలో కూడా రాణిస్తూ ఉన్నారు. ఇదే సమయంలో బుల్లితెరపై కూడా తమిళ బిగ్ బాస్ వంటి షోలలో హోస్ట్ గా కూడా మెప్పిస్తున్నారు. గత కొన్ని సంవత్సరాలలో పొలిటికల్ గా బిజీ అయినా కమల్ సినిమాలు చేయడంలో కాస్త అలసత్వం ప్రదర్శించారు. దీంతో కమల్ అభిమానులు ఆయన సినిమా చేస్తే బాగుంటుందని ఎప్పటినుండో అనుకుంటూ ఉండగా ఈ ఏడాది “విక్రమ్” సినిమాతో అభిమానులను సర్ప్రైజ్ చేశారు.
“విక్రమ్” సినిమా కోలీవుడ్ ఇండస్ట్రీలో “బాహుబలి 2” రికార్డులు బ్రేక్ చేసింది. ఈ సినిమాలో కమల్ పెర్ఫార్మెన్స్ నెక్స్ట్ లెవెల్ అని చెప్పవచ్చు. హై వోల్టేజ్ యాక్షన్ నేపథ్యంలో “విక్రమ్” సినిమాలో కమల్ నటన ఎంతగానో ఆకట్టుకుంది. ఈ సినిమా విజయం సాధించటంతో ఆగిపోయిన “ఇండియన్ 2” సినిమా కొద్ది నెలల క్రితం స్టార్ట్ కావడం తెలిసిందే. “విక్రమ్” సినిమా కంటే ముందుగానే “ఇండియన్ 2” స్టార్ట్ అయితే అప్పట్లో లైకా ప్రొడక్షన్స్ నిర్మాతలకు డైరెక్టర్ శంకర్ మధ్య గొడవలు చోటుచేసుకున్నాయి.
ఈ వివాదాలు కోర్టు దాకా వెళ్లడంతో సినిమా ఆగిపోయింది. అయితే విక్రమ్ సినిమా సూపర్ డూపర్ హిట్ కావడంతో కమల్ జ్వరవ తీసుకొని నిర్మాతలకు మరియు దర్శకుడు శంకర్ కి మధ్య రాజీ కుదిరిచి.. “ఇండియన్ 2” బ్యాలెన్స్ షూటింగ్ కంప్లీట్ అయ్యేలా ఇప్పుడు చొరవ తీసుకున్నారు. ఈ సినిమాకి సంబంధించి షూటింగ్ శరవేగంగా జరుగుతుంది. ఈ నేపథ్యంలో నేడు కమల్ పుట్టినరోజు కావడంతో “ఇండియన్ 2” మేకర్స్ స్పెషల్ పోస్టర్ రిలీజ్ చేయడం జరిగింది. పోస్టర్ లో కమల్ లుక్ ఆడియన్స్ ని ఎంతగానో ఆకట్టుకుంటుంది. వచ్చే ఏడాది ఈ సినిమా విడుదల కానుంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!