Salaar 2: “బాహుబలి 2″తో పాన్ ఇండియా సూపర్ స్టార్ డామ్ సంపాదించిన ప్రభాస్ తర్వాత హిట్ కొట్టడానికి అనేక కష్టాలు ఎదుర్కోవడం జరిగింది. “బాహుబలి 2” తర్వాత ప్రభాస్ నటించిన నాలుగు సినిమాలు బాక్సాఫీస్ వద్ద బోల్తా పడ్డాయి. దీంతో ప్రభాస్ కెరియర్ డేంజర్ జోన్ లో పడిన సమయంలో ప్రశాంత్ నీల్ దర్శకత్వంలో వచ్చిన “సలార్” సూపర్ డూపర్ హిట్ అయింది. గత ఏడాది డిసెంబర్ నెలలో విడుదలైన ఈ సినిమా ఎనిమిది వందల కోట్లకు పైగానే కలెక్షన్ సాధించింది. గత ఏడాది హైయెస్ట్ ఓపెనింగ్స్ రాబట్టిన సినిమాగా “సలార్” రికార్డు సృష్టించింది. ఈ సినిమా విజయంతో ప్రభాస్ అభిమానులు రిలాక్స్ కావడం జరిగింది.
“సలార్” మొదటి భాగం చేస్తున్న సమయంలోనే రెండో పార్ట్ కూడా రాబోతున్నట్లు క్లారిటీ ఇచ్చారు. అయితే రెండో భాగం షూటింగ్ ఆలస్యం అవుతుందని మొన్నటిదాకా వార్తలు వచ్చాయి. ఎందుకంటే డైరెక్టర్ ప్రశాంత్ నీల్ యంగ్ టైగర్ ఎన్టీఆర్ తో సినిమా చేయాలని భావిస్తున్నట్లు ప్రచారం జరిగింది. ఇదే సమయంలో “దేవర” కంప్లీట్ అయిన వెంటనే ఎన్టీఆర్ కూడా షూటింగ్ లో జాయిన్ అవుతున్నట్లు వార్తలు వచ్చాయి. కానీ అనూహ్యంగా “దేవర” షూటింగ్ లో విలన్ సైఫ్ అలీ ఖాన్ ఎడమ చేయి ఫ్రాక్చర్ కావడంతో ప్రజెంట్ షూటింగ్ ఆగిపోయింది. దీంతో ఏప్రిల్ 5వ తేదీకి విడుదల కావాల్సిన “దేవర” వాయిదా పడటం జరిగింది.
ఈ పరిణామంతో ఎన్టీఆర్ తో సినిమా ఆలస్యం అయ్యే పరిస్థితి ఏర్పడటంతో డైరెక్టర్ ప్రశాంత్ ఇప్పుడు సెకండ్ పార్ట్ షూటింగ్ మొదలు పెట్టడానికి రెడీ అయ్యారట. మొదటి భాగం తీసిన సెట్స్ అలాగే రెడీగా ఉండటంతో త్వరగా షూటింగ్ మొదలుపెట్టి కంప్లీట్ చేయాలని భావిస్తున్నారట. ఈ క్రమంలో ఈ వేసవి నుండి “సలార్ 2” షూటింగ్ స్టార్ట్ చేయడానికి రెడీ కావడం జరిగిందంట. కాగా త్వరలోనే షూటింగ్ డీటెయిల్స్.. షెడ్యూల్ అధికారిక ప్రకటన చేయబోతున్నట్లు వార్తలు వస్తున్నాయి.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!