Karthika Deepam 2 TRP: స్టార్ మా చానల్లో ఇప్పటివరకు వచ్చిన టాప్ సీరియల్స్ లో ముందు స్థానంలో నిలిచే సీరియల్ వన్ అండ్ ఓన్లీ కార్తీకదీపం అనే చెప్పుకోవచ్చు. ఈ సీరియల్ తొలి సీజన్ ఫుల్ డిమాండ్ ఉంది. దీంతో ఈమధ్య కొత్త కాన్సెప్ట్ తో ఈ సీరియల్ కి సీక్వెల్ ని కూడా రూపొందించారు. అయితే ఈ సరికొత్త సీరియల్ కూడా వచ్చి రాగానే భారీ టిఆర్పి రేటింగ్ తో దుమ్ము దులిపేస్తుంది. స్టార్ మా సీరియల్స్ లో ఏకంగా రెండో స్థానానికి చేరుకుంది ఈ సీరియల్ టిఆర్పి రేటింగ్. స్టార్ మా సీరియల్స్ లో టాప్ 10 టిఆర్పి రేటింగ్స్ సొంతం చేసుకున్న సీరియల్స్ ఇప్పుడు తెలుసుకుందాం. ఎప్పటి లాగానే బ్రహ్మముడి తన తిరుగులేని కథతో నెంబర్ వన్ స్థానాన్ని కొట్టేసింది. ఏప్రిల్ 13 నుంచి ఏప్రిల్ 19 తో ముగిసిన వారానికి గాను టి ఆర్ పి రేటింగ్ రిలీజ్ చేశారు.
బార్క్ ఇండియా వెబ్సైట్ ప్రకారమే ఈ సీరియల్స్ కు వచ్చిన టిఆర్పి ఎక్కడ ఉన్నాయి. బ్రహ్మముడి సీరియల్ అర్బన్, రూరల్ కలిసి 11.26 టిఆర్పి తో తొలి స్థానంలో కొనసాగుతుంది. ఇక కార్తీకదీపం సీరియల్ కు 10.63 టీఆర్పి నమోదు అయ్యింది. ఈ రెండు ధారావాహికలు మాత్రం రెండు అంకుల రేటింగ్ అందుకున్నాయి. అనంతరం టాప్ టెన్ లో ఉన్న సీరియల్స్ అన్ని సింగిల్ డిజిట్ కే పరిమితమయ్యాయి. మూడో స్థానంలో కృష్ణ ముకుందా మురారి సీరియల్ నిలిచింది. ఈ వారంలో ఈ సీరియల్కు అర్బన్ అండ్ రూరల్ కలిపి 8.75 టీఆర్పి రేటింగ్ వచ్చింది. ఇక నాలుగో స్థానంలో 8.55 రేటింగ్ తో నువ్వు నేను ప్రేమ నిలవగా ఐదో స్థానంలో 8.19 టిఆర్పి రేటింగ్ తో గుండె నిండా గుడిగంటలు సీరియల్ నిలిచింది.
అదేవిధంగా ఆరో స్థానంలో 5.69 టిఆర్పి రేటింగ్ తో గుప్పెడంత మనసు.. ఏడవ స్థానంలో 5.38 టిఆర్పి తో వంటలక్క.. ఎనిమిదవ స్థానంలో 5.34 రేటింగ్ తో సత్యభామ.. 9వ స్థానంలో 5.15 టిఆర్పి తో మగువా ఓ మగువా.. ఆఖరిగా 10వ స్థానంలో 4.86 రేటింగ్ సంపాదించి మామగారు సీరియల్ నిలిచింది. కార్తీకదీపం రెండో సీజన్ మార్చ్ 25 నుంచి ప్రసారమైన విషయం తెలిసిందే. ఈ సీరియల్ లో ఎప్పటిలాగానే నిరుపమ్ మరియు ప్రేమి విశ్వనాథ్ తమ యాక్టింగ్ లతో అదరగొడుతున్నారు. తమకి ఇచ్చిన పాత్రకి తగిన న్యాయం చేస్తూ దూసుకుపోతున్నారు. కార్తీకదీపం మొదటి సీజన్ 2017 అక్టోబర్ 16 నుంచి ప్రారంభమైంది.
మొత్తం 1569 ఎపిసోడ్స్ తో దాదాపు ఆరేళ్లపాటు ఈ సీరియల్ టెలికాస్ట్ అయింది. లాక్ డౌన్ కారణంగా కొన్ని రోజుల పాటు షూటింగ్ నిలిచిపోవడం.. వంటలక్క మరియు డాక్టర్ బాబు పాత్రలను చనిపోయినట్లుగా చూపించడంతో టిఆర్పి రేటింగ్ గోరాది గోరంగా పడిపోయింది. ఇక అనంతరం శౌర్య మరియు హిమ క్యారెక్టర్స్ ను పెద్దవాళ్లు అయినట్లుగా చూపించి కొత్త క్యారెక్టర్లతో కొన్నాళ్లు ఈ సీరియల్ ను నడిపించారు. కానీ ఈ సీరియల్ కి మొదటిలో వచ్చినంత ఆదరణ అయితే దక్కలేదు. ఇక ఇప్పుడేమో ఈ సీరియల్ కి సీక్వెల్ తో ప్రేక్షకుల ముందుకి వచ్చారు. ప్రస్తుతానికి అయితే ఈ సీరియల్ మంచి టిఆర్పి రేటింగ్ తోనే కొనసాగుతుంది. మరి రానున్న రోజుల్లో ఎటువంటి టిఆర్పి రేటింగ్ దక్కించుకుంటుందో చూడాలి మరి.