Bhimaa Teaser: పవర్ ఫుల్ పోలీస్ ఆఫీసర్ పాత్రలో గోపీచంద్..”భీమా” టీజర్ రిలీజ్..!!

Bhimaa Teaser: మ్యాచో స్టార్ గోపీచంద్ కొత్త సినిమా “భీమా”. కన్నడ దర్శకుడు హర్ష దర్శకత్వంలో తెరకెక్కుతున్న ఈ చిత్రానికి సంబంధించి టీజర్ కొన్ని గంటలకు విడుదల అయింది. పవర్ ఫుల్ పోలీస్ ఆఫీసర్ పాత్రలో గోపీచంద్ కనిపిస్తున్నారు. రాక్షసుల మధ్య ధర్మాన్ని కాపాడే బ్రహ్మ రాక్షసుడు అంటూ బ్యాగ్రౌండ్ డైలాగులతో “భీమా” టీజర్ స్టార్ట్ అయింది. కేవలం హీరో క్యారెక్టర్ కి సంబంధించిన డైలాగులు మాత్రమే రివిల్ చేశారు. ఎక్కడ కూడా స్టోరీ లైన్ ఏంటో.. టీజర్ లో తెలియనివ్వలేదు. ఎద్దు పై పోలీస్ ఆఫీసర్ గా బేడీలు పట్టుకుని గోపీచంద్ కూర్చున్న.. ఫోటోని టీజర్ చివరిలో చూపించడం జరిగింది.

విడుదలైన టీజర్ మొత్తం చూస్తే.. యాక్షన్ త్రిల్లర్ స్టోరీలో గోపీచంద్ చాలా పవర్ ఫుల్ రోల్ చేసినట్లు తెలుస్తోంది. భగవద్గీతలో శ్లోకం “యదా యదా హి ధర్మస్య గ్లానిర్భవతి భారత, అభ్యుత్థానమధర్మస్య తదాత్మానం సృజామ్యహం, పరిత్రాణాయ సాధూనాం వినాశాయ చ దుష్కృతామ్, ధర్మసంస్థాపనార్థాయ సంభవామి యుగే యుగే”.. శ్లోకంతో స్టార్ట్ అయ్యింది. ఈ రాక్షసులను వేటాడే బ్రహ్మ రాక్షసుడు వచ్చాడు రా.. అంటూ.. గోపీచంద్ లుక్ రివిల్ చేశారు. శ్రీ సత్య సాయి ఆర్ట్స్ నిర్మాణంలో కేకే రాధామోహన్ నిర్మిస్తున్న ఈ సినిమాకి రవి బశ్రుర్ సంగీతమందిస్తున్నారు. ఫిబ్రవరి 16వ తారీకు ఈ సినిమా విడుదల కాబోతోంది అని టీజర్ లో తెలియజేయడం జరిగింది.

ఈ సినిమాలో ప్రియా భవాని శంకర్, మాళవిక హీరోయిన్స్ గా నటించడం జరిగింది. కాగా విడుదలైన టీజర్ లో గోపీచంద్ లుక్ చాల రఫ్ గా కనిపిస్తోంది. గతంలో గోపీచంద్ పూరి జగన్నాథ్ దర్శకత్వంలో “గోలీమార్” అనే సినిమా చేయడం జరిగింది. ఈ సినిమాలో కూడా పోలీస్ పాత్రలోనే చేయడం జరిగింది. అంతకుముందు “ఆంధ్రుడు”..లో కూడా పోలీస్ పాత్ర చేశారు. ఈ రెండు సినిమాలు అభిమానులను ఆకట్టుకున్నాయి. అయితే ఇప్పుడు అదే రీతిలో “భీమా”లో కూడా గోపీచంద్ పోలీస్ పాత్ర చేయడం జరిగింది. దీంతో ఖచ్చితంగా ఈ సినిమా కూడా విజయం సాధిస్తుందని అభిమానులు ఆశిస్తున్నారు.