Devara: యంగ్ టైగర్ ఎన్టీఆర్ హీరోగా కొరటాల శివ దర్శకత్వంలో వస్తున్న సినిమా “దేవర”. “RRR” తర్వాత ఎన్టీఆర్ నటిస్తున్న ఈ సినిమా పాన్ ఇండియా నేపథ్యంలో తెరకెక్కుతోంది. ప్రస్తుతం ఈ సినిమాకి సంబంధించిన షూటింగ్ శరవేగంగా జరుగుతోంది. ఇప్పటికే 80% షూటింగ్ కంప్లీట్ చేసుకోవడం జరిగింది. ఈ ఏడాది ఏప్రిల్ నెలలో ఈ సినిమా విడుదల కాబోతుంది. అయితే సినిమా రిలీజ్ అవ్వకముందే “దేవర” ఓటిటి ఫిక్స్ కావడం జరిగింది. ఈ సినిమా డిజిటల్ రైట్స్ నెట్ ఫ్లిక్స్ సంస్థ సొంతం చేసుకున్నట్లు.. సినిమా యూనిట్ అధికారికంగా ప్రకటించింది.
“దేవర” త్వరలో తెలుగు, తమిళ్, మలయాళం, కన్నడ, హిందీ భాషలలో పోస్ట్ థియాట్రికల్ విడుదల కాబోతోంది అని నెట్ ఫ్లిక్స్ ఇండియా సౌత్ ట్వీట్ చేయటం జరిగింది. ఈ విషయాన్ని “దేవర” కూడా కన్ఫామ్ చేసింది. “దేవర” రెండు భాగాలుగా విడుదల కాబోతుంది. ఎన్టీఆర్ కెరియర్ లో ఇది 30వ సినిమా. దీంతో చాలా ప్రతిష్టాత్మకంగా తెరకెక్కిస్తున్నారు. ప్రస్తుతం ఈ సినిమాకి సంబంధించిన షూటింగ్ శరవేగంగా జరుగుతోంది. అనిరుద్ సంగీతం అందిస్తున్నారు. కొద్ది రోజుల క్రితం విడుదలైన గ్లింప్స్ వీడియో సోషల్ మీడియాలో రికార్డు వ్యూస్ రాబట్టింది. సముద్ర నేపథ్యంలో సాగే కథగా సినిమా ఉండబోతున్నట్లు గ్లింప్స్ వీడియో తెలియజేయడం జరిగింది.
గతంలో కొరటాల శివ దర్శకత్వంలో ఎన్టీఆర్ నటించిన “జనతా గ్యారేజ్” బ్లాక్ బస్టర్ విజయం సాధించడం తెలిసిందే. 2016లో వచ్చిన ఈ సినిమా ఎన్టీఆర్ అభిమానులను ఎంతగానో అలరించింది. ఇక ఇప్పుడు “జనతా గ్యారేజ్” కంటే మరింత పవర్ ఫుల్ గా ఎన్టీఆర్ నీ కొరటాల చూపించబోతున్నారట. ఈ సినిమాలో ఎన్టీఆర్ సరసన దివంగత శ్రీదేవి కూతురు జాహ్నవి కపూర్ హీరోయిన్ గా నటిస్తోంది. బాలీవుడ్ స్టార్ సీనియర్ హీరో సైఫ్ అలీ ఖాన్ విలన్ పాత్రలో నటిస్తున్నాడు. సీనియర్ హీరో శ్రీకాంత్ కూడా ఈ సినిమాలో కీలక పాత్ర పోషిస్తున్నారు. సమ్మర్ కానుకగా పాన్ ఇండియా నేపథ్యంలో “దేవర” ఏప్రిల్ 5వ తారీఖు విడుదల కాబోతుంది.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!