Prabhas: సినీ ఇండస్ట్రీకి పెద్దగా పరిచయం లేని నటుడు ‘జగపతి బాబు’. ఒకప్పుడు ఇండస్ట్రీలో ఫ్యామిలీ హీరోగా మంచి గుర్తింపు తెచ్చుకున్నారు. ఆయన సినిమాలు థియేటర్‌లో రిలీజ్ అవుతుందనే అన్నీ హౌజ్ ఫుట్. అప్పట్లో జగపతి బాబుకు లేడీస్ ఫాలొయింగ్ చాలా ఎక్కువ. వయసు పైపడే కొద్ది సినిమాలకు దూరం అయ్యారు. ఆయన తోటి హీరోలందరూ సినిమాల్లో హీరోలుగా నటిస్తున్నప్పటికీ.. జగపతి బాబు వేరే రూట్ ఎంచుకున్నాడు. ఎవరూ ఊహించని విధంగా ప్రతినాయకుడిగా సెకండ్ ఇన్నింగ్స్ స్టార్ట్ చేశారు. మొదట్లో ఫ్యామిలీ హీరోగా క్రేజ్ తెచ్చుకున్న జగపతి బాబును విలన్ పాత్రలో తొందరగా యాక్సెప్ట్ చేయలేదు.
కానీ విలన్‌గా ఆయన చేసిన పాత్రలు ప్రత్యేక మార్క్‌ను క్రియేట్ చేశాయి. తనదైన శైలిలో యాక్టింగ్ చేస్తూ టాలీవుడ్ స్టైలిష్ విలన్‌గా ప్రత్యేక గుర్తింపు దక్కించుకున్నారు. అయితే సినిమాల్లో కనిపించే జగపతి బాబు చాలా రేర్‌గా ఇంటర్వ్యూలు, ఈవెంట్లలో కనిపిస్తారు. ఓ వైపు సినిమాల్లో నటిస్తూనే.. మరో వైపు ఓటీటీల్లో సత్తా చాటుతున్నారు. తాజాగా ఓ ఇంటర్వ్యూలో పాల్గొన్న జగపతి బాబు.. దర్శకుడు రాజమౌళి ఫ్యామిలీ గురించి, రెబల్ స్టార్ ప్రభాస్ గురించి సంచలన వ్యాఖ్యలు చేశారు. ప్రభాస్ చిన్న వాడైనా పెద్ద మనసున్నోడని అతడిని పొగడ్తలతో ముంచేశారు.
రాజమౌళి కుటుంబం చాలా డిఫరెంట్..
ప్రముఖ దర్శకధీరుడు రాజమౌళి కుటుంబం గురించి జగపతి బాబు ఇంట్రెస్టింగ్ విషయాలు చెప్పారు. ఎన్ని అవార్డులు వచ్చినా.. పేరు ప్రఖ్యాతలు ఉన్నప్పటికీ రాజమౌళి ఫ్యామిలీలో గర్వం కనిపించదన్నారు. రాజమౌళి ఫ్యామిలీ మొత్తం అలాగే ఉంటారని చెప్పారు. అందరినీ ప్రేమగా పలకరిస్తారని, ఎవరేం చెప్పినా ఓపిగ్గా వింటారన్నారు. రాజమౌళి ఇంకా డిఫరెంట్. ఫ్యామిలీతో వెకేషన్‌కు వెళ్లినా సినిమా గురించే ఆలోచిస్తాడని అన్నారు. నిజానికి రాజమౌళి మాకు దగ్గరి బంధువని, ఇప్పటివరకు తన సినిమాలో ఛాన్స్ ఇవ్వమని ఏ రోజు నేను అడగలేదు. రాజమౌళి కూడా అదే మొహమాటంతో నన్ను సినిమాలో నటించమని చెప్పలేదని అన్నారు. రాజమౌళికి ఒక ఐడియాలజీ ఉంటుంది. తన సినిమాలో పాత్రలను ముందే డిసైడ్ అవుతాడు. వారినే పెట్టి సినిమా తీస్తాడని జగపతి బాబు అన్నారు. సినిమా విషయంలో రాజమౌళి ఎంతో జాగ్రత్తగా ఉంటారు. ఏదైనా విషయం నేర్చుకోవాలని అనుకుంటే రాజమౌళి కుటుంబం నుంచి 20 శాతం నేర్చుకుంటే చాలు. లైఫ్‌లో సక్సెస్‌ఫుల్‌గా రాణించవచ్చని జగపతి బాబు అన్నారు.
ప్రభాస్.. చిన్నవాడైనా గొప్ప మనసు అతడిది..
హీరో ప్రభాస్ గురించి ప్రత్యేకంగా చెప్పాల్సిన అవసరం లేదు. అతడిని ఏదైనా ఇవ్వడమే కాకుండా తిరిగి తీసుకోవడం తెలియదు. ఎవరే సాయం అడిగినా కాదనకుండా చేస్తాడు. సినిమా సెట్‌లోనూ అదే ధోరణి ఉంటుంది. ప్రభాస్ ఇంటికి వెళ్తే భోజన మర్యాదలు ఎప్పటికీ మర్చిపోలేము. అన్ని రకాల వెరైటీలతో తిన్నంత భోజనం పెడతారు. అలాగే తన దగ్గరికి ఆపదలో వచ్చిన వారిని ఆదుకుంటారు. ఒకసారి నేను కూడా డిప్రెషన్‌లోకి వెళ్లిపోయానని జగపతి బాబు చెప్పారు ఆ సమయంలో ఎవరికి కాల్ చేయాలో తోచలేదు. ఆ టైంలో ప్రభాస్ గుర్తుకు వచ్చాడు. ప్రభాస్‌కు ఫోన్ చేసి మాట్లాడాలని అడిగాను. అప్పుడు ప్రభాస్ జార్జియాలో ఉన్నాడు. అప్పుడు ‘చెప్పు డార్లింగ్.. ఏమైంది? నీ ప్రాబ్లమ్ చెప్పు.. నేను తీరుస్తా?’ అని ధైర్యం చెప్పాడు. జార్జియా నుంచి తిరిగి వచ్చిన మరుక్షణం నన్ను కలవడానికి వచ్చాడు. ఆ సమయంలో ప్రభాస్ ఇచ్చిన సపోర్ట్ నాలో ధైర్యాన్ని నింపింది. వయసులో నా కంటే చిన్నవాడైనా ప్రభాస్‌ది గొప్ప మనసు అని జగపతి బాబు అని పొగడ్తలతో ముంచెత్తారు. అందరినీ ప్రేమగా పలకరిస్తాడని, కష్టాల్లో ఆదుకుంటాడని జగపతి బాబు చెప్పుకొచ్చాడు. ప్రస్తుతం ప్రభాస్‌పై జగపతి చేసిన కామెంట్స్ సోషల్ మీడియాలో వైరల్ అవుతున్నాయి. ఈ కామెంట్స్ విన్న ప్రభాస్ ఫ్యాన్స్ తెగ సంబరపడిపోతున్నారు.