Pomegranate Leaves: దానిమ్మ కాయ మన ఆరోగ్యానికి మేలు చేస్తుందని అందరికీ తెలిసిందే.. ఈ కాయలను ప్రతి రోజు తింటే అనేక ఆరోగ్య సమస్యలను దరిచేరనివ్వదు.. దానిమ్మ కాయే కాదు దాని ఆకులు కూడా బోలెడు ప్రయోజనాలు అందిస్తాయని అతి కొద్ది మందికే తెలుసు.. దానిమ్మ ఆకులు తో కలిగే లాభాలేంటో ఇప్పుడు తెలుసుకుందాం..!!
ఆయుర్వేదంలో దానిమ్మ ఆకులను కుష్ఠు వ్యాధి, చర్మ రోగాల నివారణకు ఉపయోగిస్తారు. దానిమ్మ ఆకులను ఒక గ్లాసు నీటిలో వేసి బాగా మరిగించాలి. ఈ కషాయాన్ని తాగితే ఈ సీజన్ లో వచ్చే దగ్గు, జలుబు నుంచి వెంటనే ఉపశమనం లభిస్తుంది. ఈ కషాయం నిద్ర లేమి సమస్యను నివారిస్తుంది. ఇది చక్కటి మౌత్ ఫ్రేష్నర్ గా పని చేస్తుంది. నోటి దుర్వాసన, చిగుళ్ల వాపు, చిగుళ్ల నుంచి రక్తం కారటం వంటి దంత సమస్యలను తగ్గిస్తుంది. ఈ ఆకులను జ్యూస్ లా తయారు చేసుకుని తాగితే గ్యాస్, అసిడిటీ, అజీర్తిని తగ్గిస్తుంది. మలబద్దకం ను నివారిస్తుంది.
ఈ ఆకుల రసం లో కొద్దిగా నువ్వుల నూనె కలిపి రెండు చుక్కలు చెవిలో వేసుకుంటే చెవిపోటు, ఇన్ఫెక్షన్స్ ను తగ్గిస్తుంది. దానిమ్మ ఆకులను ముద్దగా నూరుకోవాలి. ఈ మిశ్రమాన్ని ముఖానికి రాసుకుని పదిహేను నిమిషాల తర్వాత చల్లటి నీళ్లతో కడిగేయాలి. ఇలా చేస్తే ముఖం పై మొటిమలు తగ్గిపోయి ముఖం కాంతివంతంగా తయారవుతుంది. దానిమ్మ ఆకుల రసాన్ని గజ్జి, తామర ఉన్న చోట రాస్తే త్వరగా తగ్గుతుంది. ఇంకా పుండ్లు, గాయాలు ఉన్నచోట రాస్తే త్వరగా మానిపోతాయి.
