Diet: మన శరీర తత్వాన్ని బట్టి మన బరువు తగ్గడం ఆధారపడి ఉంటుందని నిపుణులు చెబుతున్నారు. అదేవిధంగా మన బ్లడ్ గ్రూప్ ని బట్టి కూడా మన వెయిట్ లాస్ ఉంటుందని చెబుతున్నారు. బ్లడ్ గ్రూప్ ఆధారంగా మన డైట్ తీసుకుంటే ఎక్కువ కాలం జీవించవచ్చని నేచురోపతి ఫిజీషియన్ పీటర్ డి ఆడమ్ తన రీసెర్చ్ బుక్ లో వివరించారు. బ్లడ్ గ్రూప్ ను బట్టి ఆహారం తీసుకుంటే త్వరగా బరువు తగ్గొచ్చు అని చెప్పారు. బ్లడ్ గ్రూప్ కి అనుగుణంగా సరిపడా ఆహారం తీసుకుంటే త్వరగా జీర్ణం అవుతుందని.. మన శరీరానికి అనేక ప్రయోజనాలు ఉన్నాయని చెబుతున్నారు.!
గ్రూప్ A:
గ్రూప్ A బ్లడ్ గ్రూప్ ఉన్నవారికి ఇమ్యూనిటీ పవర్ తక్కువగా ఉంటుంది . అందుకని సిట్రస్ పండ్లు ఎక్కువగా తీసుకోవాలి. విటమిన్ సి ఎక్కువగా ఉండే ఆహారాలపై శ్రద్ధ చూపించాలి. కూరగాయలు తాజా పండ్లు ఎక్కువగా తీసుకోవాలి. వీళ్లు బరువు తగ్గాలంటే తృణధాన్యాలు, చేపలు, బీన్స్ నట్స్ ను వారి డైట్ లో తీసుకోవాలి. అలాగే గోధుమలు, మొక్కజొన్న, పాల ఉత్పత్తులకు సాధ్యమైనంత వరకు దూరంగా ఉండాలి.
గ్రూప్ B: ఈ బ్లడ్ గ్రూప్ వారు సి ఫుడ్స్, పాల ఉత్పత్తులు, పండ్లు, తృణధాన్యాలు వీరి డైట్ లో భాగం చేసుకోవాలి. B బ్లడ్ గ్రూప్ వారు బరువు తగ్గడానికి లివర్, గుడ్లు, తాజా కూరగాయలు, అతి మధురం టీ తీసుకుంటే త్వరగా బరువు తగ్గడానికి సహాయపడతాయి. మీరు ఎలాంటి ఆహారం తీసుకున్న తేలికగా జీర్ణం అవుతుంది. మీరు వేరుశనగ, గోధుమలు, చికెన్, మొక్కజొన్న వాటికి దూరం ఉండాలి.
గ్రూప్ AB: ఈ బ్లడ్ గ్రూప్ వారు మటన్, చేపలు, తృణధాన్యాలు, పండ్లు, కూరగాయలు , టోపు, పాల పదార్థాలను వీరి ఆహారంలో తీసుకోవాలి. వీళ్ళు బరువు తగ్గడానికి సి ఫుడ్స్, ఆకుపచ్చని కూరగాయలు, టోపు అద్భుతంగా సహాయపడతాయి. వీరు కూడా మొక్కజొన్న, కిడ్నీ బీన్స్ చికెన్ కు దూరంగా ఉండాలి.
గ్రూప్ O: ఈ బ్లడ్ గ్రూప్ వారికి సహజంగానే జీర్ణ సంబంధిత సమస్యలు ఎదురవుతాయి. వీళ్ళు కూరగాయలు, పండ్లు, చేపలు, మాంసం ఎక్కువగా తీసుకోవాలి. ఈ బ్లడ్ గ్రూప్ వారు బరువు తగ్గాలి అనుకుంటే ఆలివ్ ఆయిల్, పాలకూర , సి ఫుడ్స్, రెడ్ మీట్, బ్రోకోలి, పాలకూర బెస్ట్ ఛాయిస్. వీళ్లు గోధుమలు, పాల ఉత్పత్తులు, మొక్కజొన్న ను తీసుకోకూడదు.