Aacharya : ఆచార్య సినిమా లో మెగా పవర్ స్టార్ రాం చరణ్ కీలక పాత్రలో నటిస్తున్న సంగతి తెలిసిందే. మెగాస్టార్ చిరంజీవి నటిస్తున్న152వ సినిమాగా ఆచార్య రూపొందుతోంది. సక్సస్ ఫుల్ డైరెక్టర్ కొరటాల శివ దర్శకత్వం వహిస్తున్నాడు. కాజల్ అగర్వాల్ హీరోయిన్ గా నటిస్తోంది. మాట్నీ ఎంటర్టైన్మెంట్స్ – కొణిదెల ప్రొడక్షన్స్ నిర్మాణ సంస్థలలో రాం చరణ్ – నిరంజన్ రెడ్డి సంయుక్తంగా నిర్మిస్తున్నారు. ఇప్పటికే చాలావరకు ఆచార్య చిత్రీకరణ పూర్తయిందని సమాచారం. ఆచార్య.. కొరటాల శివ శైలిలోనే సామాజిక అంశాలకు కమర్షియల్ ఎలిమెంట్స్ జోడించి రూపొందిస్తున్నాడని మోషన్ పోస్టర్ రిలీజ్ చేసినప్పుడే క్లారిటీ వచ్చేసింది.
ఇక ఆచార్య సినిమాలో మెగాస్టార్ పాత్రను చాలా స్ట్రాంగ్ గా డిజైన్ చేసినట్టు చెపుకుంటున్నారు. ముఖ్యంగా మెగాస్టార్ బాడీ లాంగ్వేజ్ కి తగ్గట్టు ఆయన ఎంట్రీ డైలాగ్స్.. ఎలివేషన్స్ తో థియేటర్స్ దద్దరిల్లిపోతాయని అంటున్నాడు కొరటాల. కాగా ఆచార్య ప్రస్తుతం రామోజీ ఫిల్మ్ సిటీలో శరవేగంగా షూటింగ్ జరుపుకుంటుంది. అయితే ఆచార్య సినిమాలో రాంచరణ్ పాత్ర ఎలా ఉంటుందన్నది ఇప్పటి వరకు ఎలాంటి హింట్ ఇవ్వలేదు. రీసెంట్ గా సిద్ద పాత్ర పోషిస్తున్న రాంచరణ్ షూటింగ్ లో జాయిన్ అయింట్టు చిత్ర యూనిట్ ఒక పోస్టర్ రిలీజ్ చేసి తెలిపారు.
Aacharya : ఆ ఒక్క డైలాగ్ తో థియేటర్స్ లో విజిల్స్ పడి అదిరిపోతుందట..!
కాని ఆ పోస్టర్ ద్వారా ఎలాంటి క్లారిటీ రాలేదు. కాని తాజా సమాచారం ప్రకారం రాంచరణ్ ఆచార్య సినిమాలో విద్యార్ధి నాయకుడుగా కనిపిస్తాడని తెలుస్తోంది. ప్రస్తుతం ఆచార్య ఇంటర్వెల్ సన్నివేశాలను షూట్ చేస్తున్నారట. దాంతో ఆచార్య సినిమాలో రాంచరణ్ ఇంటర్వెల్ ముందు ఎంట్రీ ఉంటుందని క్లారిటీ వచ్చేసింది. ఇంటర్వెల్ ఎంట్రీ ఇచ్చి ఒక పవర్ ఫుల్ డైలాగ్ చెబుతాడట. ఆ ఒక్క డైలాగ్ తో థియేటర్స్ లో విజిల్స్ పడి అదిరిపోతుందని అంటున్నారు. ఇక ఈ సినిమాలో మెగాస్టార్ దేవాదాయశాఖకు చెందిన అధికారిగా కనిపించబోతున్నాడని విషయం తెలిసిందే. మణిశర్మ సంగీతం అందిస్తున్న ఈ సినిమాలో రెజీనా కసాండ్ర స్పెషల్ సాంగ్ చేసింది.