Fish: ఈ రోజుల్లో అందరు ఎక్కువగా ఇష్టం గా తినేది నాన్ వెజ్ అనే చెప్పాలి. కొందరికి చికెన్ ఇష్టమైతే ఇంకొందరికి చేపల్ని ఎక్కువ ఇష్టపడుతుంటారు. మళ్ళి Fish ఆ చేపలల్లో చిన్న చేపల్ని బాగా ఇష్టపడేవాళ్లు కొందరయితే పెద్ద చేపల్ని ఇష్టపడేవారు మరికొందరు. ఇంతకూ ఏ రకం చేపలతో మనకి మంచి ఆరోగ్యం కలుగుతుందో తెలుసుకుందాం. బాగా పెరిగి కొవ్వు పట్టి ఉన్న చేపల్ని వారం లో నాలుగుసార్లు తింటే, వాటి ద్వారా వచ్చే మంచి కొవ్వు, గుండె జబ్బులు రాకుండా అడ్డుకుంటుందని పరిశోధనలో తేలింది. పెద్ద పెద్ద చేప ల్లో హై డెన్సిటీ లైపోప్రోటీన్ ఉంటుంది. దీన్ని మంచి కొలెస్ట్రాల్ అని అంటారు. చేపల్లో ఉండే ఒమేగా-3 ప్యాటీ యాసిడ్స్… HDLను ఆరోగ్యకరమైన కొవ్వుగా మార్చేస్తాయి.ఒమేగా-3 ఫ్యాటీ యాసిడ్స్ వలన మన గుండెకు ఎంతో మేలుజరుగుతుంది.
కాబట్టి యూనివర్శిటీ ఆఫ్ ఈస్ట్రన్ ఫిన్‌లాండ్ పెద్ద పెద్ద చేపల్ని తినమని సూచిస్తుంది. ఈ పరిశోధన వివరాల్ని జర్నల్ మాలిక్యూలర న్యూట్రిషన్ అండ్ ఫుడ్ రీసెర్చ్‌లో రాశారు. ఇందు లో40 నుంచి 72 ఏళ్ల దాకా వయస్సు ఉన్న 100 మంది ఫిన్‌లాండ్ స్త్రీ , పురుషులు పాల్గొన్నారు. వాళ్ల వయసుకు తగ్గట్టుగా వాళ్లందరికీ రకరకాల గ్లూకోజ్ లెవెల్స్ ఉన్నాయి.వాళ్ళందరిని 4 గ్రూపులుగా విడదీసి 12 వారాలపాటూ పరిశోధన చేశారు. వాళ్లలో కొందరికి మాత్రమే ఆహారం లో పెద్ద పెద్ద చేపల్ని తీసుకోవాలిసింది గా చెప్పారు. కొందర్ని చిన్న చేపలు తినమనిసూచించారు . ఆ తర్వాత వాళ్లను పరీక్షించగా పెద్ద చేపలుతిన్నవారిలో గుడ్ కొలెస్ట్రాల్ బాగా పెరిగింది. అది వాళ్ల గుండెను కాపాడుతుంది. చిన్న చేపలు తిన్న వారిలో లో ఎలాంటి మార్పూ కనిపించలేదు. కాబట్టి పెద్ద చేపల్నే తినడం మంచిది . HDL ఎక్కువ లేనప్పుడు చిన్న చేపల్ని ఎన్ని తిన్న ప్రయోజనం ఎక్కువ కలగదన్నది ఈ పరిశోధన తెలియచేస్తుంది. కాబట్టి చేప ప్రియులకి ఇది మంచి శుభవార్త అనేచెప్పాలి.
