Breaking: టాలీవుడ్ ప్రముఖ కొరియోగ్రాఫర్ రాకేష్ మాస్టర్ కన్నుమూశారు. వారం రోజుల క్రితం వైజాగ్ ఔట్ డోర్ షూటింగ్ నుండి హైదరాబాద్ వచ్చిన రాకేష్ మాస్టర్ అప్పటి నుండి అనారోగ్యంతో స్థానిక హాస్పిటల్ లో చికిత్స పొందారు. నేడు ఉదయం ఇంట్లో రక్త విరోచనాలు చేసుకోవడంతో ఆయనను గాంధీ హాస్పిటల్ కి తరలించారు. గాంధీ ఆసుపత్రిలో చికిత్స పొందుతూ ఆదివారం సాయంత్రం తుదిశ్వాస విడిచారు.
కాగా, తెలుగు సినిమా అభిమానులకు రాకేష్ మాస్టర్ గురించి కొత్తగా పరిచయం చేయాల్సిన అవసరం లేదు. ఆట డ్యాన్స్ షో తో ఆయన తన కేరీర్ ప్రారంభించారు. అక్కడి నుండి డాన్స్ మాస్టర్ గా ఎదిగి దాదాపు 1500 కు పైగా సినిమాలకు కొరియోగ్రాఫర్ గా పని చేశారు. సినీ పరిశ్రమలోని అగ్ర నటులందరితోనూ ఆయన పని చేశారు. ఇటీవల సినిమాలకు దూరంగా ఉంటున్న ఆయన.. యూట్యూబ్ ఛానల్ పెట్టారు. నిత్యం సోషల్ మీడియాలో యాక్టివ్ గా ఉంటూ పలు విషయాలపై స్పందిస్తూ వస్తున్నారు. రాకేష్ మాస్టర్ మృతి పట్ల ఇండస్ట్రీ వర్గాలు సంతాపం ప్రకటిస్తున్నారు.
Pawan Kalyan: జనసేన అధినేత పవన్ కళ్యాణ్ సంచలన కామెంట్స్ .. సుపారీ గ్యాంగ్ లను దింపారంటూ..