Fruit Juice: పండ్లు తినడం ఆరోగ్యానికి మంచిది.. ప్రతి రోజు ఏదో ఒక పండును తినమని ఆరోగ్య నిపుణులు సూచిస్తున్నారు.. అయితే ఎక్కువ మంది పండ్లను తినడం కంటే పండ్ల రసాలను తాగడానికి ఇష్టపడుతున్నారు చాలా మంది బయట దొరికే ఫ్రూట్ జ్యూస్ కంటే ఇంట్లో తయారు చేసుకుని తాగడానికి ఇష్టపడుతున్నారు.. అయితే మనం ఇంట్లోనే ఫ్రూట్ జ్యూస్ తయారు చేసుకునేప్పుడు మనకి తెలియకుండానే చిన్న చిన్న తప్పులు చేస్తూ ఉంటాం.. ఆ తప్పులు వాటి లోని పోషక విలువలను పోగొట్టడమే కాకుండా ఆరోగ్యానికి హాని చేస్తున్నాయి.. మనం ఏమేం తప్పులు చేస్తున్నామో ఇప్పుడు తెలుసుకుందాం..!!
Fruit Juice: పండ్ల రసాలు తయారు చేస్తున్నప్పుడు ఈ జాగ్రత్తలు పాటించండి..!!
పండ్ల తయారు చేసేటప్పుడు ముందుగా గుర్తుంచు కోవలసిన విషయం మిక్సర్, జూసర్ రెండు వేడి గా ఉండకూడదు. ఇవి పండ్ల లోని పోషకాలను పోగొడతాయి. ఫ్రెష్ గా పండ్ల రసాలను తయారు చేసుకుని అందులో ఐస్క్రీం లేదా ఐస్ క్యూబ్స్ ఉపయోగించి తాగుతూ ఉంటారు. ఇది ఏమాత్రం సరైన పద్ధతి కాదు..
అప్పటి కప్పుడు తయారు చేసుకునే పండ్ల రసాలను నేరుగా తాగలి. వాటిలో ఏమైనా కలిపితే వాటి లోని సుగుణాలు మన శరీరానికి అందవు. వాటిలో ఉండే పోషకాలు కోల్పోవడమే కాకుండా అవి ఆరోగ్యానికి హాని కూడా చేయవచ్చు. పండ్లరసాలను అప్పటికప్పుడు తయారుచేసుకుని తాగితే ఆరోగ్యానికి మంచిది. ఇలా తాగడం వలన బోలెడు ఆరోగ్య ప్రయోజనాలు కలుగుతాయి. చాలా మంది పండ్లరసాలను తయారు చేసి వాటిని ఫ్రిజ్ లో స్టోర్ చేసి ఆ తరువాత ఎప్పుడో తాగుతారు. ఇలా చేయడం వలన పండ్లరసం లోని పోషకాలు తొలగిపోతాయి. ఇలా తాగడం ఆరోగ్యానికి సరైనది కాదు.
Fruit Juice: ఫ్రూట్ జ్యూస్ లో ఇవి జోడించండి..!!
పండ్ల రసాలు అనగానే ముందుగా పండ్లతో పాటు వేసేది పంచదార.. కొన్ని పండ్లలో సహజసిద్ధంగానే స్వీట్ నెస్ ను కలిగి ఉంటాయి. బయట తెచ్చుకునే పండ్ల రసాలలో ఎలాగూ పంచదార కలుపుతారు. మనం ఇంట్లో తయారు చేసుకునే వాటి లో పంచదార అస్సలు ఉపయోగించకూడదు. ఒకవేళ తియ్యదనం కోసం పంచదార బదులు తేనెను ఉపయోగించండి. ఇది ఆరోగ్యానికి మేలు చేస్తుంది.
కొన్ని కొన్ని ఫ్రూట్స్ లో విత్తనాలు ఉంటాయి వాటిని ముందుగానే తొలగించాలి. ఇలా తొలగించడం వలన లోని జ్యూస్ రుచిగా ఉంటుంది. లేదంటే ఆ విత్తనాలు కలపడం రసం కాస్త చేదు, వగరు గా అనిపిస్తుంది. అందుకని శ్రమ అయినప్పటికీ వాటి లోని విత్తనాలను తొలగించి ఆ తరువాత జ్యూస్ చేసుకోవడం మంచిది.