Cleaning hacks : ఇంట్లో ప్రతి రోజు పూజ చేసుకునేవారు పూజా సామాగ్రిని ఏరోజుకారోజు శుభ్రం చేసుకుంటారు.వాటిలో ఇత్తడి ,రాగి , వెండి ,బంగారు, పంచలోహాలు వంటి పూజాసామాగ్రి వాడుతుంటారు. వాటిని తేలికగా ఎలా శుభ్రం చేసుకోవాలో తెలుసుకుందాం. పూజ వస్తువులు వాటి సహజ తత్వాన్ని వదిలేయకుండా ఉండాలంటే వాటిని శుభ్రపరిచే విధానానికి సంబంధించిన కొన్ని జాగ్రత్తలు తీసుకోవడం మంచిది.
బంగారు వస్తువుల ను వాడిన తర్వాత వాటిని వేడినీళ్లలో వేసి కడిగి తరువాత కాస్త కోల్గేట్‌ పళ్లపొడి లేదా పేస్ట్ ని గాని తీసుకొని వాటికి పట్టించి సన్నని బ్రిజిల్స్ ఉన్న బ్రష్‌ తో రుద్ది మురికిని వదిలించి మెత్తటి కాటన్ క్లాత్ తో తుడిచి వాటిని వెల్‌వెట్‌క్లాత్‌లోలేదా బాక్స్‌లో గానీ వాటిని జాగ్రత్త చేసుకోవాలి.
ప్లాస్టిక్‌ డబ్బాలోలేదా షాపులో ఇచ్చే జ్యుయెలరీ బ్లాక్‌లో వీటిని దాయటం వలన వాటిలో ఉన్న రసాయనాల వల్ల బంగారం రంగు మారుతుంది.
దీపపు కుందులు ఎక్కువగా వెండి తో చేసినవే ఉంటాయి. అందులో నూనె పోసి వత్తులు వెలిగించడం వల్ల అది కాస్తా నల్లబడతాయి.
ఆ నలుపును వదిలించాలంటే స్నానం చేసే సబ్బు కాస్త వాటికీ పట్టించి పది నిమిషాల తర్వాత వాటిని శుభ్రం చేసుకోవాలి.
ఇవి రోజు వాడనివి అయితే కనుక వీటిని కడిగిన తర్వాత పొడి కాటన్ వస్త్రం తో తుడిచి తడి ఆరిన తర్వాత గాలి తగిలే చెక్క బాక్స్ లో జాగ్రత్తగా పెట్టుకోవాలి . వీటిని చల్లని నీటితో శుభ్రపరిస్తే చాలు.
నిమ్మరసం, వెనిగర్‌, ఉప్పు కలిపిన మిశ్రమాన్ని ఇత్తడి వస్తువులకు పట్టించి పదినిమిషాల తర్వాత కడిగేస్తే కొత్త వాటిలా మెరుస్తుంటాయి.
లేదంటే వీటిని శుభ్రం చేయడానికి చాలా రకాల పేర్లు పౌడర్లు అందుబాటులో ఉన్నాయి వాటితో కూడా చాల తేలిక గా శుభ్రపరచుకోవాలి. ఏ లోహం తో చేసిన వస్తువైనా కూడా దేనితో శుభ్రం చేసినా కూడా , నీటితో కడిగిన తర్వాత తప్పకుండా ఒక పొడి వస్త్రం తో తుడిచి శుభ్రం చేసుకోవడం మాత్రం మరువకూడదు.