Coconut Oil: అందమైన చర్మం.. నల్లగా నిగనిగలాడే జుట్టు.. ఇవి కావాలని కోరుకోని వారు ఎవరుండరు.. ప్రతి ఒక్కరూ అందంగా మెరిసిపోవాలని తమకు తెలిసిన ప్రతి చిన్న చిట్కాను ట్రై చేస్తూ ఉంటారు.. జుట్టునే కాదు.. చర్మాన్ని కాంతివంతంగా మార్చడంలో కొబ్బరి నూనె కు ఏది సాటి రాదనే విషయం మీకు తెలుసా..!! చర్మం నిగారింపు కు కొబ్బరి నూనె మాస్క్లను ఇంట్లోనే ఎలా తయారు చేసుకొని అప్లై చేసుకోవచ్చు ఇప్పుడు తెలుసుకుందాం..!!
జిడ్డు చర్మం: అర టేబుల్ స్పూన్ కొబ్బరి నూనె, అర టేబుల్ స్పూన్ నిమ్మరసం, ఒక టేబుల్ స్పూన్ పెరుగును తీసుకోవాలి. ముందుగా ఒక గిన్నెలో కొబ్బరి నూనె, నిమ్మరసం బాగా కలుపుకోవాలి. ఇందులో పెరుగును కలిపి మిశ్రమంలా తయారు చేసుకోవాలి . ఇప్పుడు దీనిని ముఖానికి అప్లై చేసి ఆరిపోయేంతవరకు ఉంచుకొని, ఆ తరువాత కడిగేసుకుంటే జిడ్డు వదిలి ముఖం మిలమిలా మెరిసిపోతోంది.
బ్లాక్ హెడ్స్ : ఒక టేబుల్ స్పూన్ కొబ్బరి నూనె ఒక టీ స్పూను బేకింగ్ పౌడర్ లను కలిపి ముఖానికి అప్లై చేసి పదిహేను నిమిషాల తరువాత చల్లటి నీటితో కడిగేసుకోవాలి. తెల్లటి టవల్ పెట్టి ముఖం తుడుచుకుంటే బ్లాక్ హెడ్స్ అన్ని టవల్ కి అంటుకోవడం మీరే గమనించవచ్చు.
ముడతలు : ఒక అవకాడో, 4 టేబుల్ స్పూన్ల కొబ్బరినూనె, రెండు టీ స్పూన్ల జాజికాయపొడి ఒక గిన్నెలో వేసి పేస్టులా తయారు చేసుకోవాలి. దీనిని ముఖానికి అప్లై చేసుకుని పదిహేను నిమిషాల తర్వాత కడిగేసుకుంటే చర్మంపై ఉన్న గీతలు పోయి, చర్మం బిగుతుగా మారుతుంది.
