Tiredness: నిద్రలేమి, వ్యాయామం లేకపోవడం, కారణాల వల్ల త్వరగా అలసట చెందుతారు. దీని వల్ల ఆరోగ్యంపై కూడా ప్రభావం పడుతుంది. కొన్ని సందర్భాల్లో విటమిన్ లోపాన్ని సూచిస్తుంది. చాలా మంది విటమిన్ లోపాన్ని పెద్దగా లెక్కచేయరు . అయితే అలసట అస్తమానం రావడం వలన రోజువారీ పనులు చేసుకోవడం కూడా ఇబ్బందిగా ఉంటుంది. అలాంటి పరిస్థితులలో కొన్ని సాధారణ విటమిన్ లోపాలను తగ్గించుకోవాలిసిన అవసరముంది.
ఎర్ర రక్త కణాలు, డీఎన్ఏ ఉత్పత్తి కి వీటమిన్ బి12 ఎంతో ముఖ్యమైనది . ఇది నాడీ వ్యవస్థ పని తీరును మెరుగుపరుస్తుంది. ఎప్పుడైతే శరీరానికి విటమిన్ బి12 లబించదో అప్పుడు మీరు అలసట తో బాధపడే అవకాశముంది. అంతేకాకుండా ఇది బలహీనతకుకారణమవుతుంది. విటమిన్ బీ12 లోపం శరీరానికి ఆక్సిజన్ ను సరఫరా చేసే ఎర్ర రక్తకణాల ఉత్పత్తిని తగ్గించడం వలన అలసట పెరగడానికి మరింత కారణమవుతుంది.విటమిన్ -B12 లభించే ఆహార పదార్ధాలు.. గుడ్లు,చేపలు, సాల్మాన్ చేప, మాంసం,బలవర్థకమైన ధాన్యం.
విటమిన్-డీ ని సూర్యరశ్మి విటమిన్ అని కూడా అంటుంటారు. అందుకే ఇది శరీరానికి చాల అవసరం. ముఖ్యంగా ఎముకలు, దంతాల్లో కాల్షియాన్ని అందించి దృఢం గా ఉండేలా చేస్తాయి. రోగనిరోధక శక్తిని పెరిగేలా చేస్తుంది. విటమిన్-డీ లోపం కూడా అలసటకు కారణమవుతుంది. విటమిన్-డీ లోపం వల్ల శరీరం త్వరగా అలసిపోతుంది అని చాలా సర్వేలు తెలియచేస్తున్నాయి . విటమిన్-డీ దొరికే వాటిల్లో సూర్యరశ్మి కూడా ఒకటి. శరీరాని కి కావలిసినంత విటమిన్-డీ సూర్యుడు నుంచి పొందవచ్చు ప్రస్తుతం కరోనా కాలం లో ఎక్కువ మంది నోటి నుండి విన్న పేరు విటమిన్-సీ. ఎందుకంటే విటమిన్-సీ.. రోగ నిరోధక శక్తినిపెంచుతుంది .
అంతేకాకుండా చర్మానికి ,వెంట్రుకల ఆరోగ్యానికి బాగా ఉపయోగపడుతుంది. విటమిన్-సీ లోపం వచ్చిన మొదటిలో అలసట గా అనిపిస్తుంది. ఎర్ర రక్తకణాల నిర్మాణం, వాటి పనితీరుకు ముఖ్యమైన ఆహారం నుంచి ఐరన్ ను గ్రహించడానికి విటమిన్-సీ ఎంతో అవసరం . విటమిన్ C లభించే ఆహారాలు..బొప్పాయి,పుచ్చకాయ, సిట్రస్ జాతి పళ్లు, కివి పండు, స్ట్రాబెర్రి, మామిడి,పైనాపిల్ లో ఇది పుష్కలంగా లభిస్తుంది.
