ప్రభాస్ సినిమా అంటే ఇప్పుడు కొన్ని అంశాలు తప్పనిసరి అయిపోయింది. పాన్ ఇండియన్ స్టార్ కాబట్టి సినిమాలో ఏ సీన్ ఉన్నా ఎలాంటి సాంగ్ ఉన్నా.. ఎలాంటి యాక్షన్ సీక్వెన్స్ డిజైన్ చేసినా హాలీవుడ్ రేంజ్ లోనే కోరుకుంటున్నారు అభిమానులు. అభిమానులు ప్రభాస్ నుంచి కోరుకున్న అంశాలలో ఏ ఒక్కటి తగ్గినా డిసప్పాయింట్ అవుతున్నారు. ఒకరకంగా చెప్పాలంటే ప్రభాస్ సినిమాలలో అభిమానులనే కాదు కామన్ ఆడియన్స్ ని తృప్తి పరచడం దర్శక, నిర్మాతలకి కత్తి మీద సాములా అయిపోయింది.
ముఖ్యంగా ప్రభాస్ కటౌట్ కి థియేటర్స్ లో జనాల రోమాలు నిక్కబొడుచుకునేలా యాక్షన్స్ సీన్స్ ని రూపొందించాల్సి వస్తోంది. ఇంతకు ముందు ప్రభాస్ నటించిన ఛత్రపతి, బిల్లా, రెబల్, మిర్చి వంటి సినిమాల్లో యాక్షన్ సీన్స్ హైలైట్ గా నిలిచాయి. ఇక బాహుబలి, సాహో సినిమాలలో ఉన్న యాక్షన్స్ సీన్స్ హాలీవుడ్ తరహాలో ఉండి ప్రతీ ఒక్కరిని మెస్మరైజ్ చేశాయి. అయితే ప్రస్తుతం ప్రభాస్ – పూజా హెగ్డే జంటగా తెరకెక్కుతున్న ‘రాధే శ్యామ్’. ఈ సినిమా పీరియాడికల్ బ్యాక్ డ్రాప్ లో రొమాంటిక్ ఎంటర్టైనర్ గా రూపొందుతుంది. దాంతో అందరికి ఈ సినిమాలో ఉండాల్సిన యాక్షన్ సీన్స్ ఉండవన్న ఆలోచనలో ఉన్నారట.
ఇక ప్రభాస్ కూడా పదే పదే ఈ సినిమా ప్యూర్ లవ్ స్టోరీ అని సాహో లాంటి యాక్షన్ సినిమా కాదు కాబట్టి భారీ యాక్షన్ సీన్స్ ఉండవని చెప్పుకొస్తున్నాడు. దాంతో ఇప్పటి నుంచే ఫ్యాన్స్ లో డిసప్పాయింట్ మెంట్ నెలకొందట. కాని తాజా సమాచారం ప్రకారం రాధే శ్యామ్ ఒకే ఒక్క యాక్షన్ సీన్ ఉందట. ఆ ఒక్క యాక్షన్ సీన్ నాలుగు యాక్షన్స్ సీన్స్ తో సమానమని హాలీవుడ్ తరహాలో ఉండే ఈ యాక్షన్స్ సీన్ ని విదేశీ యాక్షన్ కొరియోగ్రాఫర్ కంపోజ్ చేస్తున్నారని సమాచారం. నిజంగా ఇలాంటి ఒక్క యాక్షన్ సీన్ ఉన్నా చాలు రికార్డుల మోతే.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!