ఆన్ లైన్ షాపింగ్ కు నేటి సమాజం భాగా అలవాటు పడిపోయింది. ఎంతలా అంటే అందులో ఏ ఆఫర్ పెట్టినా గుడ్డిగా నమ్మే స్టేజ్ కి వచ్చారంటే నమ్మండి. అతి చౌకగా ఆన్ లైన్ లో తప్ప మరేదాంట్లో రావనే అతి ఆశతో ఏది చెప్పినా సరే అది నిజం అంటూ నమ్మేస్తుంటారు. అది ఎంత వరకు నిజం.. అంత ఖరీదైన వస్తువులు మరీ ఇంత తక్కువ ధరకు నిజంగా లభిస్తాయా.. అలా ఆఫర్ పెట్టడం వెనకున్న అసలు నిజమేంటి.. ఇందులో ఏమైనా బురిడీ దాగుందా అనేది ఎవరూ ఆలోచించే స్టేజిని ఎప్పుడో దాటారనే చెప్పుకోవచ్చు. చీప్ గా వస్తే పినాయిలైనా తాగుతారు అన్న మాట ఈ వార్త వింటే నిజమేనండోయ్ అనిపిస్తుంది.
మరి అదేంటో ఈ ఆర్టికల్ ను చదివేసి తెలుసుకోండి. మసిపూసి మారడి కాయ చేసినట్టు ఓ వ్యక్తి చేసిన గారడీ మాటలకు ఓ వ్యక్తి నిలువునా మోసపోయాడు. అతి ఖరీదైన వస్తువు అతి చీప్ రేట్ కే మీకు సొంతం కాబోతుంది అంటూ ఓ మోసగాడు నమ్మబలికాడు. అది నమ్మిన వ్యక్తి మాత్రం అడ్డంగా మోసపోయాడు పాపం.. ఈ ఘటన కర్ణాటక రాష్ట్రం చిత్రదుర్గం జిల్లా చెళ్లకెరె తాలూకాలోని గోపనహళ్లి గ్రామంలో చోటుచేసుకుంది. అయితే ఈ గ్రామానికి చెందిన నరసింహామూర్తి దీపావళీ సందర్భంగా శాంసంగ్ గెలాక్సీ మొబైల్ ఫోన్ ను కొనుక్కోవాలని ఆశపడ్డాడు. అదే సమయానికి ఆ మొబైన్ ను కేవలం రూ.1,700 కే అందిస్తామని ఒక వ్యక్తి ఫోన్ చేశాడు.
అది పోస్టల్ శాఖ ద్వారా పార్సర్ రూపంలో వస్తుందని నమ్మించాడు. అది నిజమేననుకుని అతి తక్కువ ధరకు బలే వస్తుంది ఈ ఫోన్ అంటూ నరసింహ మూర్తి మురిసిపోయాడు. దాంతో ఆన్ లైన్ ద్వారా ఆ ఫోన్ ను బుక్ చేసుకున్నారు. తను కలలు కన్న ఫోన్ మరికొన్ని రోజుల్లో తన కళ్ల ముందుకు వస్తుందని అతను వేయి కళ్లతో ఎదురు చూసాడు. అనుకున్న సమయానికే అతనికి ఫోన్ వచ్చింది పార్సల్ ద్వారా. రూ.1,700 చెల్లించి ఫోన్ ఇంటికి తెచ్చుకుని ఎంతో ఆశగా దాన్ని ఓపెన్ చేశాడు. దాన్ని తెరిచి చూసిన అతనికి ఆ ధృష్యాన్ని చూసి అతని కళ్లు తిరిగినంత పనైంది.
అయ్యొ అయ్యయ్యో… నేనేంజేతూ దేవుడా .. నేను నిలువునా మోసపోయానే అంటూ లబోదబోమని గుండెలు బాదుకున్నాడు.. అతను అంతలా రియాక్ట్ అవ్వడానికి ఏం వచ్చిందోననుకుంటున్నారా.. పాపం ఎంతో ఆశగా ఫోన్ కోసం పార్సల్ ను తెరిచిన అతని అందులో సోంపాపిడీ స్వీట్ బాక్స్, ఒక రోల్ గోల్డ్ చైన్ దర్శనమిచ్చేశాయి. ఇంకేముంది దాన్ని చూసిన అతనికి ఏడుపొక్కటే తక్కువంటే నమ్మండి పాపం.. నేను మోసపోయాను బాబోయ్ అంటూ పరుగుపరుగున పోలీసులకు ఫిర్యాదు ఇచ్చాడు పాపం ఆ వ్యక్తి.. దీన్ని బట్టి మీరు తెలుసుకోవాల్సిన విషయం ఏమంటే అతి చౌక ధరకే వస్తువు లభిస్తుందని దాన్ని పొందాలని ప్రయత్నం చేస్తే మాత్రం మీకు కచ్చితంగా బోల్తా కొట్టడం ఖాయమని తెలుసుకోండి.