Kondapolam Review: పంజా వైష్ణవ్ తేజ్, రకుల్ ప్రీత్ సింగ్ జంటగా క్రిష్ జాగర్లమూడి దర్శకత్వంలో తెరకెక్కిన చిత్రం ‘కొండపొలం’. అతి సాధారణ నిర్మాణ బడ్జెట్ తో ఎంతో వేగంగా తీసిన ఈ చిత్రం ఈరోజు ప్రేక్షకుల ముందుకు వచ్చింది. ఇక ఈ సినిమా ఎలా ఉందో చూద్దాం…
కథ:
రవి (వైష్ణవ్ తేజ్) ఒక మామూలు పల్లెటూరు లో గొర్రెల కాపరి కుటుంబానికి చెందినవాడు. అయితే బాగా చదువుకున్న రవి పట్టణంలో ఉద్యోగం కోసం ప్రయత్నిస్తూ ఉంటాడు. ఎన్నో సార్లు ప్రయత్నించి ఉద్యోగం దొరకక నిరాశ చెందిన రవి తిరిగి తన ఊరికి వచ్చి వారి కుల వృత్తిని చేసుకుంటూ ఉంటాడు. ఇదే క్రమంలో అతను కొండల మధ్యకి వెళ్లి గొర్రెలకు మేత కోసం తిరుగుతూ వారి ఊరు వారందరితో కలిసి వెళ్తాడు. అయితే ఆ క్రమంలో అతనికి ఎదురయ్యే సవాళ్ళు ఏమిటి? వాటిని రవి అధిగమించాడా లేదా అన్నదే మిగిలిన కథాంశం.
ప్లస్ లు
ముఖ్యంగా వైష్ణవ్ తేజ్, రకుల్ ప్రీత్ తమ క్యారెక్టర్ లు అద్భుతంగా చేశారు. తేజ్ కళ్ళతోనే ఎమోషన్స్ పలికించిన తీరు అయితే అమోఘం. ఈ జంట వల్ల ఈ కథ ప్రేక్షకులకు అందంగా కనిపిస్తుంది.
ఈ సినిమా స్టొరీ లైన్ చాలా ఆసక్తికరంగా ఉంటుంది. ముఖ్య కథాంశం ఎంతో రక్తికట్టించేలా రాసుకున్నారు డైరెక్టర్ క్రిష్
కీరవాణి బ్యాక్ గ్రౌండ్ మ్యూజిక్ ఈ సినిమాకి పెద్ద ప్లస్ పాయింట్. అలాగే సినిమాటోగ్రఫీ కూడా ఎంతో బాగుంది.
మైనస్ లు
సినిమాకి పెద్ద మైనస్ పాయింట్ ప్రేక్షకులకు ఎమోషనల్ కనెక్టివిటీ లేకపోవడం. హీరో, హీరోయిన్ల పర్ఫార్మెన్స్ లు బాగున్నా… వారిద్దరి మధ్య రొమాన్స్ కథకు అడ్డంకిలా అనిపిస్తుంది.
స్క్రీన్ ప్లే కూడా సినిమాని దెబ్బతీసింది. ఒకే పద్ధతిలో ఉండే స్క్రీన్ ప్లే ప్రేక్షకులకు విసుగు తెప్పించవచ్చు. స్క్రీన్ ప్లే విషయంలో జాగ్రత్తలు తీసుకుని ఉంటే సినిమా ఇంకా బెటర్ గా అనిపించేది.
రెండవ అర్ధ భాగం చాలా నెమ్మదిగా సాగుతుంది. ఎడిటింగ్ విషయంలో ఇక్కడ ఎంతో భాగం కత్తిరించవచ్చు. దీనివల్ల ప్రేక్షకులకు ఎంతో అద్భుతమైన కథ మీద ఉండే ఆసక్తి కొద్దిగా సన్నగిల్లవచ్చు.
విశ్లేషణ:
మొత్తానికి ‘కొండపొలం’ గొర్రెల కాపరులు తమ జీవన విధానాన్ని కొనసాగించేందుకు ఎలాంటి అడ్డంకులు ఎదుర్కొంటారు అనే ఒక సింగిల్ పాయింట్ పై నడుస్తుంది. అయితే ఈ సినిమా స్టోరీలైన్ ఎంతో ఉత్కంఠభరితంగా ఉన్నప్పటికీ దానిని చెప్పే విధానంలో దర్శకుడు ఎంచుకున్న స్క్రీన్ప్లే రిజల్ట్ ను భారీగా దెబ్బతీసింది. ప్రేక్షకులకు కొన్ని సీక్వెన్స్ లు మంచి అనుభూతిని ఇస్తే… మిగిలిన భాగం చప్పగా సాగి వాటిని డామినేట్ చేస్తూ ‘కొండపొలం’ ను ఒక బిలోవ్-యావరేజ్ చిత్రంగా నిలబెట్టింది.
చివరి మాట: కొండపొలం – ఒక్కసారే చూడగలం
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!