నంద్యాల ఆటో డ్రైవర్ సలాం కుటుంబ ఆత్మ హత్య కేసులో వింత కోణాలు జరుగుతున్నాయి. సాక్షాత్తు సీఎం జగన్ మోహన్ రెడ్డి ఈ కేసులో ఆరోపణలు ఎదుర్కున్న సిఐ సోమశేఖర్ రెడ్డి, హెడ్ కానిస్టేబుల్ గంగాధరంలను సస్పెండ్ చేయడమే కాకుండా , వెంటనే క్రిమినల్ కేసులు నమోదు చేయాలనీ ఆదేశించిన తరువాయి వారిపై కేసులను నమోదు చేసిన పొలిసు ఉన్నతాధికారులు … అంతే పటిష్టంగా న్యాయమూర్తి ఎదుట కస్టడీ కోరలేదు. దింతో వెంటనే వారికీ బెయిల్ లభించింది. ఒక్క రోజులోనే బెయిల్ రావడం మరో రచ్చకు దరి తీసే అవకాశం ఉండటంతో పోలీసులు మేల్కొన్నారు. సిఐ, కానిస్టేబుల్ బెయిల్ రద్దు చేయాలనీ వారు బయట ఉంటె కేసు విచారణ లో ప్రభావం చూపుతుందని పిటిషన్ దాఖలు చేసారు.
ఇదే మొదటిసారి !!
పోలీసులపై పోలీసులే కోర్టులో రివ్యూ పిటిషన్ వేయడం ఇది తొలిసారి. సీఎం ఈ కేసులో ఉన్నతాధికారులకు తగిన సూచనలు ఇవ్వడంతో ఉన్నతాధికారులు రంగంలోకి దిగారు. మొదటి కేసుని 306 సెక్షన్ కింద నమోదు చేసి, న్యాయమూర్తి ఎదుట పోలీసులు ఈ కేసులో ఇలాంటి విచారణ లేదని, నిందులకు బెయిల్ ఇవ్వవచ్చని చెప్పిన అనంతరమే బెయిల్ మంజూరు అయ్యింది. నాన్బెయిల్ కేసు అయినా 306 కేసులో వెనువెంటనే బెయిల్ రావడానికి అవకాశం ఉండదు. కనీసం 14 రోజుల జుడీషియరీ రిమాండ్ అయినా ఇస్తారు. అయితే పోలీసులు ఈ కేసులో నిందితులుగా ఉండటంతో పాటు ఉద్యోగాల నుంచి సస్పెండ్ కావడంతో పోలీసులు న్యాయమూర్తి ఎదుట కేసులో నిందితులు బయట ఉన్న పెద్ద నష్టం ఉండదని చెప్పడంతోనే వెంటనే బెయిల్ మంజూరు అయి ఉంటుంది అని న్యాయ నిపుణులు చెబుతున్నారు. 10 సంవత్త్సరాల శిక్ష పడే 306 సెక్షన్ కేసును పోలీసులు సొంత వారి మీద ప్రేమతోనే ఎదో చేద్దామనుకుంటే.. అది ఇంకేదో అయ్యింది.
మళ్లీ పిటిషన్ !!
గతంలో కేసు విషయంలో నిందితులు బయట ఉన్న పెద్ద ప్రభావం చూపారని న్యాయమూర్తికి చెప్పిన నోటితోనే నిందితులు సాక్షులను ప్రభావితం చేస్తారని, వెంటనే బెయిల్ రద్దు చేయాలనీ కోరాల్సి రావడం వాళ్ళ న్యాయమూర్తి ముందు చివాట్లు తప్పవు. ఒకవేళ రివ్యూ పిటిషన్ అంగీకరించకపోతే, నిందితుల తరఫు న్యాయవాదులు కల్పించుకుంటే మాత్రం ఇన్వెస్టిగేషన్ అధికారికి తలనొప్పులు తప్పవు. మరో పక్క రివ్యూ అంగీకరించలేదు అంటే ఉన్నతాధికారుల నుంచి తలంట్లు ఉంటాయి. దీనిలో పోలీసులు మొదట సక్రమంగా వ్యవహరించి ఉంటె ఎవరికీ ఇబ్బందులు తప్పవు.
మారతారా మిగిలిన వారు ?
సలాం కుటుంబం ఆత్మ హత్య కేసు రాష్ట్ర పోలీసులు నేర్చుకోవాల్సిన పెద్ద పాఠం. కేసు విచారణలో నిబంధనలు పట్టించుకోకుండా, ఇష్టానుసారం చేస్తే ఇలాంటి ఫలితాలు ఉంటాయి అనేది ఈ కేసు ద్వారా తెలుసుకోవాలి. పోలీసుల్లో నిందితుల పట్ల ఇలాంటి వైఖరి అవలంన ఉండకూడదు అనేది గుర్తించాలి. దేనికోసమో పాకులాడి మొత్తం కెరీర్ నాశనం చేస్కునే దిశగా సిఐ, హెడ్ కానిస్టేబుల్ ఇరుక్కున్న వ్యవహారం మిగిలిన వాళ్ళు వంట బట్టించుకుంటే మేలు.