Harish shanker: పవన్ కళ్యాణ్ కంటే ముందు మరో మెగా హీరోతో ఆ డైరెక్టర్ కమిటవుతున్నాడా..?

Harish shanker: పవర్ స్టార్ పవన్ కళ్యాణ్, హరీశ్ శంకర్‌లది హిట్ కాంబినేషన్. బాలీవుడ్ బ్లాక్ బస్టర్ దబాంగ్ సినిమాను తెలుగులో హరీశ్, పవన్ కలిసి గబ్బర్ సింగ్‌గా రీమేక్ చేసి ఇండస్ట్రీ హిట్ అందుకున్నారు. ఈ సినిమా కొత్త రికార్డులు నమోదు చేసింది. హరీశ్ శంకర్ మార్పులు చేర్పులు, పవన్ కళ్యాణ్ మాస్ మేనరిజం బాక్సాఫీస్ వద్ద సునామీని సృష్ఠించాయి. దీనికి తోడు రాక్ స్టార్ దేవీశ్రీప్రసాద్ సంగీతం మరో రేంజ్ అనిపించింది. ఈ కాంబినేషన్‌లో మళ్ళీ సినిమా వస్తుందని ఎప్పటి నుంచో ఎదురుచూస్తున్న వారందరికీ భవదీయుడు భగత్‌సింగ్ చిత్రాన్ని ప్రకటించి సర్‌ప్రైజ్ చేశారు.

ప్రకటించినప్పటి నుంచి ఈ సినిమా ఎప్పెడెప్పుడు మొదలవుతుందా..ఎప్పుడు అప్‌డేట్స్ ఇస్తారా అని పవన్ కళ్యాణ్ అభిమనులు ఎంతగానో ఎదురుచూస్తున్నారు. నిన్నా మొన్నటి వరకు భవదీయుడు మూవీ షూటింగ్ త్వరలో మొదలవబోతుందని వార్తలు వచ్చాయి. కానీ, తాజాగా పవన్ కళ్యాణ్ కంటే ముందు వరుణ్ తేజ్‌తో ఓ సినిమా చేస్తారని టాక్ మొదలైంది. హరీశ్ శంకర్, వరుణ్ తేజ్ కలిసి గద్దలకొండ గణేశ్ సినిమా చేసి హిట్ అందుకున్నారు. ఆ తర్వాత మళ్ళీ వీరి కాంబినేషన్‌లో సినిమా రాలేదు. ప్రస్తుతం హరీశ్ శంకర్ పవన్ కళ్యాణ్ సినిమా మీదే ఉన్నారని చెప్పుకొచ్చారు.

Harish shanker: మేకర్స్ నుంచి క్లారిటీ వచ్చేంతవరకు నమ్మలేము.

ఇక వరుణ్ తేజ్ గని సినిమాను పూర్తి చేశాడు. బాక్సింగ్ బ్యాక్‌డ్రాప్‌లో రూపొందిన ఈ సినిమా రిలీజ్‌కు రెడీగా ఉంది. ఈ నేపథ్యంలో నెక్స్ట్ సినిమాకు సన్నాహాలు జరుగుతున్నాయని తాజా సమాచారం. ఈ క్రమంలోనే వరుణ్ తేజ్ నెక్స్ట్ సినిమాను హరీశ్ శంకర్ దర్శకత్వంలో ఓ సినిమా ఉంటుందని సోషల్ మీడియాలో వార్తలు వస్తున్నాయి. చూడాలి మరి దీనిపై కన్‌ఫర్మేషన్ ఎప్పుడు వస్తుందో. ఇక పవన్ కళ్యాణ్ – హరీశ్ శంకర్ సినిమా ఇప్పుడు గనక పోస్ట్ పోన్ అయితే మళ్ళీ మొదలవడానికి చాలానే సమయం పడుతుందని టాక్ వినిపిస్తోంది. అయితే ఇవన్నీ అఫీషియల్ న్యూస్ కాదు. కాబట్టి మేకర్స్ నుంచి క్లారిటీ వచ్చేంతవరకు నమ్మలేము.