`అందాల రాక్షసి` లావణ్య త్రిపాఠి ఇప్పుడు హాకీ ప్లేయర్గా మారిపోయారు. ఇప్పటి వరకు గ్లామర్‌కే పరిమితమైన లావణ్య తొలిసారి ఇలాంటి పాత్రలో నటిస్తుండటం విశేషం. వివరాల్లోకెళ్తే.. సందీప్‌ కిషన్‌ హీరోగా డెన్నిస్‌ జీవన్‌ కనుకొలను దర్శకత్వంలో రూపొందుతోన్న చిత్రం ‘ఏ1 ఎక్స్‌ప్రెస్‌’. ఈ చిత్రంలో సందీప్‌ కిషన్‌ కూడా హాకీ ప్లేయర్‌గానే నటిస్తుండటం విశేషం. ఈ సినిమాకు సంబంధించి లావణ్య త్రిపాఠి లుక్‌ను చిత్ర యూనిట్‌ విడుదల చేసింది. లావణ్య రావు అనే పాత్రలో లావణ్య నటించనుంది. టీజీ విశ్వప్రసాద్‌, అభిషేక్‌ అగర్వాల్‌, దయాపన్నెం నిర్మిస్తోన్న ఈ చిత్రానికి హిప్‌ హాప్‌ తమిళ సంగీతాన్ని అందిస్తున్నారు. ఇటీవల విడుదలైన ‘అర్జున్‌ సురవరం’ విజయం తర్వాత లావణ్య త్రిపాఠి నటిస్తోన్న చిత్రమిదే.