చిన్నప్పటి జ్ఞాపకాలు ఎవరికైనా మధురమే. ఇప్పుడంటే చేతిలో సెల్ ఫోన్ తో క్లిక్ అంటూ ఫొటోలు, సెల్ఫీలు తీసుకుంటున్నారు. పదేళ్ల క్రితం.. 2010లో కూడా ఇంతగా కెమెరాతో ఫొటోలు తీసుకోలేదు ఎవరూ. ఇక 90, 80.. దశకాలు, అంతకుముందు గురించి చెప్పేదేముంది. ఇంట్లో కెమెరా.. దానిలో రీలు ఉండాలి లేదా కెమెరామెన్ ను రప్పించుకోవాలి. లేదంటే స్టూడియోకే వెళ్లాలి. ఈ పరిస్థితుల్లో నేటి 90 కిడ్స్ కి ఫొటోలు ఒక మధురమే. పాత ఫొటోలు ఉంటే.. అప్పట్లో ఇలా ఉండేవాళ్లం అనుకుంటూ చూసి మురిసిపోవాల్సిందే. ప్రస్తుతం అటువంటి మురిపాన్నే పొందుతున్నాడు మెగా హీరో వరుణ్ తేజ్.
సోషల్ మీడియాలో యాక్టివ్ గా ఉండే మెగా హీరో వరుణ్ తేజ్ తన చిన్ననాటి ఫొటోను ఇన్ స్టాగ్రామ్ పోస్ట్ చేశాడు. ఈ ఫొటోలో మెగా పవర్ స్టార్ రామ్ చరణ్ తేజ్, శ్రీజ, సాయిధరమ్ తేజ్, వైష్ణవ్ తేజ్.. ఉన్నారు. వీరంతా నేలపై మంచి నిద్రలో ఉన్నారు. అందరూ దాదాపు 12ఏళ్ల లోపు వయసులో ఉన్నప్పటి ఫొటోనే. ఇందులు రామ్ చరణ్, వరుణ్ సాయిధరమ్ తేజ్ మంచి నిద్రలో ఉన్నారు. శ్రీజ మేల్కొని ఉంది. అన్నయ్య పక్కనే వైష్ణవ్ తేజ్ ఉన్నాడు. శ్రీజ, వైష్ణవ్ తేజ్ తప్ప అందరూ పక్కకి తిరిగి ఒకరి పక్కన ఒకరు వెచ్చగా నిద్రపోతున్నారు. కానీ.. అందరినీ గుర్తు పట్టేయచ్చు. ఎంతో ముచ్చటగా ఉన్న ఈ ఫొటో ఇప్పుడు నెట్టింట్లో వైరల్ అయింది.
ఇప్పుడు వీరంతా మెగా హీరోలు. మెగా ఫ్యాన్స్ ఉన్నారు వీరికి. పెళ్లి చేసుకున్నవారు, రేపో మాపో పెళ్లికి సిద్ధంగా ఉన్నారు. దాదాపు రెండున్నర దశాబ్దాల క్రితం ఫొటోనే ఇది. మరి.. ఈ ఫొటో వారికి మురిపెం కాక మరేమవుతుంది. అందుకే వరుణ్ తేజ్ ఆ ఫొటోను చూసి మురిసిపోతూ.. ఫ్యాన్స్ ను ఖుషీ చేశాడు. ఎంతైనా బాల్యం.. తిరిగిరానిది కదా. ఆ జ్ఞాపకాలు మనసుకి ఉల్లాసాన్నిస్తాయి. వరుణ్ తేజ్ ప్రస్తుత ఫీలింగ్ అదే. ఈ ఫొటోకు తమన్నా, లావణ్య, శ్రీజ లైక్ చేశారు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!