Vakeel Saab : దాదాపు మూడు సంవత్సరాల తర్వాత పవన్ కళ్యాణ్ “వకీల్ సాబ్” సినిమా తో రీ ఎంట్రీ ఇస్తున్న నేపథ్యంలో భారీ స్థాయిలో సినిమాపై అంచనాలు ఉన్నాయి. ఇప్పటికే ఈ సినిమాకి సంబంధించి రిలీజ్ అయిన టీజర్ మరియు పాటలు ఆడియన్స్ ని ఎంతగానో ఆకట్టుకోవడంతో సినిమా ప్రీ రిలీజ్ ఈవెంట్ పవన్ కళ్యాణ్ అభిమానులకు చిరస్థాయిగా గుర్తుండిపోయే విధంగా నిర్మాత దిల్ రాజు ప్లాన్ చేస్తున్నారు. ఒక్క ప్రీ రిలీజ్ ఈవెంట్ కోసం దాదాపు రెండు కోట్లు ఖర్చు పెట్టడానికి దిల్ రాజు రెడీ అయినట్లు ఇండస్ట్రీ వర్గాలు నుండి వినబడుతున్న టాక్.
హైదరాబాద్ నగరంలో యూసఫ్ గూడా గ్రౌండ్స్ లో ఈవెంట్ చేయాలని అనుకుంటున్నారట. ఇప్పటికే తెలంగాణ ప్రభుత్వం నుండి అనుమతులు వచ్చినట్లు ఏప్రిల్ 3 వ తారీఖున సినిమా ప్రీ రిలీజ్ ఈవెంట్ జరగనున్నట్లు ఫిలిం నగర్ టాక్. ఈ క్రమంలో ఈవెంట్ ఆర్గనైజర్ చేస్తున్న వారి నుండి అందుతున్న సమాచారం ప్రకారం .. “వకీల్ సాబ్” ఫ్రీ రిలీజ్ వేడుక భారతీయ చలన చిత్ర రంగం లోనే అతిపెద్ద ఫంక్షన్ అని చెప్పుకొస్తున్నారు.
రెండు కోట్లకు పైగానే ఖర్చు చేయడానికి నిర్మాత దిల్ రాజు ముందుకు వచ్చినట్లు .. పవన్ రీఎంట్రీ కావటంతో .. ఈ మాత్రం సినిమాకి ఖర్చు చేయడంలో తప్పు లేదని.. పవన్ అభిమానులకు గుర్తు ఉండిపోవాలని దిల్ రాజు పట్టుబట్టి మరీ “వకీల్ సాబ్” వేడుక గ్రాండ్ గా చేయాలని డిసైడ్ అయ్యారట. బాలీవుడ్ “పింక్” సినిమా ఆధారంగా తెరకెక్కిన ఈ సినిమాలో లాయర్ పాత్రలో పవన్ నటిస్తున్నాడు. హీరోయిన్ గా శృతిహాసన్ చేస్తోంది. తమన్ మ్యూజిక్ అందించగా వేణు శ్రీరామ్ దర్శకత్వం వహించారు.