# RC 15: మెగా పవర్ స్టార్ రామ్ చరణ్ – ఎన్.టి.ఆర్ కలిసి నటించిన భారీ పాన్ ఇండియన్ సినిమా ఆర్ఆర్ఆర్ రిలీజ్ డేట్ వచ్చేసింది. దాంతో ఇటు మెగా అభిమానులకు అటు ఎన్.టి.ఆర్ అభిమానులు పట్టరాని సంతోషంలో ఉన్నారు. 4 మార్లు పోస్ట్ పోన్ అయిన ఈ సినిమా ఎట్టకేలకి మార్చ్ 18 లేదా ఏప్రిల్ 28న రిలీజ్ కానుంది. తాజాగా దీనికి సంబంధించిన అప్‌డేట్ ఇచ్చింది ఆర్ఆర్ఆర్ బృందం. ఈ క్రమంలోనే చరణ్ కెరీర్‌లో 15వ సినిమాకు సంబంధించిన సాలీడ్ అప్‌డేట్ కూడా వచ్చేసింది. క్రియేటివ్ జీనియస్ శంకర్ దర్శకత్వంలో ప్రముఖ నిర్మాత దిల్ రాజు తన నిర్మాణ సంస్థ శ్రీ వెంకటేశ్వర క్రియేషన్స్‌లో ప్రతిష్ఠాత్మక 50వ సినిమా ఇది.
అందుకే దిల్ రాజు బడ్జెట్ విషయంలో ఏమాత్రం కాంప్రమైజ్ కాకుండా ఆర్సీ 15 చిత్రాన్ని నిర్మిస్తున్నారు. ఇప్పటికే రెండు షెడ్యూళ్ళు పూర్తి చేసుకుంది ఆర్సీ 15. అయితే చరణ్ ఆర్ఆర్ఆర్ మూవీ ప్రమోషన్స్ కోసం బ్రేక్ ఇచ్చాడు. ఈ సినిమా రిలీజ్ ఆగిపోయింది. దాంతో మళ్ళీ శంకర్ సినిమాను సెట్స్ మీదకు తీసుకు రావాలని చరణ్ డిసైడయ్యాడు. కానీ, కరోనా థర్డ్ వేవ్ కారణంగా మేకర్స్ ఆగిపోయారట. అయితే తాజా సమాచారం ప్రకారం ఈ సినిమా షూటింగ్‌ను ఎట్టి పరిస్థితుల్లోనూ ఫిబ్రవరి నెల నుంచి సెట్స్ మీదకు తీసుకురావాలని నిర్మాత దిల్ రాజు, హీరో చరణ్ ఫిక్స్ అయ్యారట.
# RC 15: సమ్మర్ వరకు దాదాపు షూటింగ్ పూర్తి..!
ఇప్పటికే ఓ భారీ యాక్షన్ సీక్వెన్స్, ఓ స్టైలిష్ సాంగ్ చిత్రీకరణ పూర్తైంది. త్వరలో భారీ షెడ్యూల్ ప్లాన్ చేసి టాకీపార్ట్ పూర్తి చేయాలనుకుంటున్నారట. అంతేకాదు సమ్మర్ వరకు దాదాపు షూటింగ్ పూర్తి చేసేలా సన్నాహాలు చేస్తున్నట్టు తాజాగా టాక్ వినిపిస్తోంది. అయితే శంకర్ సినిమా అంత త్వరగా షూటింగ్ కంప్లీట్ కావడం అసాధ్యం. అలాంటిది సమ్మర్‌కు మెజారిటీ భాగం షూటింగ్ కంప్లీట్ అవుతుందంటే ఖచ్చితంగా దసరా బరిలో దింపాలనే టార్గెట్ పెట్టుకున్నారని విశ్వసనీయ వర్గాల ద్వారా అందుతున్న సమాచారం. అదే నిజమైతే ఈ ఏడాది మెగా పవర్ స్టార్ రామ్ చరణ్ నటించిన రెండు పాన్ ఇండియన్ సినిమాలు ఈ ఏడాదిలోనే వచ్చేస్తాయి. ఇది మెగా ఫ్యాన్స్ ఊహించని గిఫ్ట్స్ అని చెప్పాలి.