Vijay Deverakonda: విజయ్ దేవ‌ర‌కొండ.. ప‌రిచ‌యం అవ‌స‌రం లేద‌ని పేరు ఇది. 2011లోనే తెలుగు సినీ ఇండ‌స్ట్రీలోకి అడుగు పెట్టిన విజయ్.. దాదాపు ఆరేళ్ల‌కు `పెళ్ళిచూపులు` సినిమాతో గుర్తింపు ద‌క్కించుకున్నాడు. ఆ త‌ర్వాత వ‌చ్చిన `అర్జున్ రెడ్డి` మూవీతో ఓవ‌ర్ నైట్ స్టార్ అయిన ఈయ‌న.. ప్ర‌స్తుతం పాన్ ఇండియా సినియాలు చేసే స్థాయికి ఎదిగాడు.
అలాగే రౌడీ బాయ్‌గా యూత్‌లో భారీ ఫాలోయింగ్‌ను పెంచుకుంటూ పోతున్నాడు. ఈ క్ర‌మంలోనే ఇన్‌స్టాగ్రామ్‌లో అత్యధిక ఫాలోవర్స్ను సాధించిన ఫాస్టెస్ట్‌ సౌత్‌ ఇండియా హీరోగా విజయ్ తాజాగా రికార్డు సృష్టించాడు. టాలీవుడ్‌లో 18 మిలియ‌న్స్‌తో ఐకాన్ స్టార్ అల్లు అర్జున్ ఉండ‌గా.. ఆ త‌ర్వాత స్థానాల్లో ప్రభాస్, మ‌హేష్‌, ఎన్టీఆర్, రామ్ చ‌ర‌ణ్‌లు ఉండేవారు.
కానీ, ఇప్పుడు విజయ్ ప్రభాస్, మ‌హేష్‌, చ‌ర‌ణ్‌, ఎన్టీఆర్‌ల‌ను తొక్కుకుంటూ.. 15 మిలియ‌న్స్ ఫాలోవర్స్ను సంపాదించుకున్నాడు. దీంతో ఆయ‌న అభిమానులు ఫుల్ ఖుషీ అయిపోతున్నారు. కొంద‌రైతే `ఇంకా బ‌న్నీ ఒక్క‌డే బ్యాలెన్స్‌, త్వ‌ర‌లోనే అత‌డిని కూడా నువ్వు దాటేయం ఖాయం` అంటూ కామెంట్స్ చేస్తున్నారు.
కాగా, విజయ్ సినిమాల విష‌యానికి.. డైన‌మిక్ డైరెక్ట‌ర్ పూరీ జ‌గ‌న్నాథ్‌తో రెండు సినిమాలు చేస్తున్నాడు. అందులో ఒకటి `లైగ‌ర్‌` కాగా.. `జనగణమన` మ‌రొక‌టి. వీటిలో ఇప్ప‌టికే షూటింగ్ పూర్తి చేసుకున్న `లైగ‌ర్‌` ఆగ‌స్టులో విడుద‌ల కానుంది. అలాగే జనగణమన ఇటీవ‌లె సెట్స్ మీద‌కు వెళ్లింది.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!