RRR: టాలీవుడ్ సినిమా ఇండస్ట్రీలో దర్శక ధీరుడుగా పాపులారిటీ సాధించుకున్న దర్శకుడు ఎస్ ఎస్ రాజమౌళి దర్శకత్వంలో టాలీవుడ్ స్టార్ హీరోలు ఎన్టీఆర్ – రామ్ చరణ్ లు నటించిన పాన్ ఇండియన్ సినిమా ఆర్ఆర్ఆర్. ఈ సినిమా విడుదల కోసం మెగా – నందమూరి అభిమానులే కాక దేశ వ్యాప్తంగా ఉన్న సినీ ప్రేమికులు ఎంతో ఆసక్తిగా ఎదురు చూస్తున్నారు. కరోనా వేవ్స్ మొదలవక ముందు నుంచే ఈ సినిమా పలుసార్లు వాయిదాలు పడుతూ వచ్చింది. అయితే, ఎట్టకేలకు ఆర్ఆర్ఆర్ సినిమా సంక్రాంతికి విడుదల అవుతుందని ప్రకటించారు. కానీ, అనూహ్యంగా మళ్ళీ కరోనా థర్డ్ వేవ్ కారణంగా చివరి నిమిషంలో వాయిదా పడింది.
కాగా, సమ్మర్ కానుకగా ఆర్ఆర్ఆర్ సినిమాను మార్చి 25న విడుదల చేయబోతున్న ట్లుగా ఇప్పటికే మేకర్స్ ప్రకటించారు. కానీ, ఇప్పుడు పరిస్థితులు చూస్తుంటే తెలుగు రాష్ట్రాల్లో మాత్రమే కాకుండా.. దేశ వ్యాప్తంగా ఆర్ఆర్ఆర్ చిత్రానికి మార్చి 25వ తేదీన విడుదల అయితే కష్టాలు తప్పవనే అభిప్రాయాలు వ్యక్తం అవుతున్నాయి. రెండు తెలుగు రాష్ట్రాల్లో మార్చి వరకు 10 అలాగే ఇంటర్ పరీక్షలు పూర్తి అవుతాయి. కానీ, ఈ ఏడాది కరోనా వల్ల పరిస్థితులన్నీ మారిపోయాయి. ఈ నేపథ్యంలో మార్చి చివరిన కాకుండా ఏప్రిల్ నెలలో పరీక్షలు నిర్వహించేందుకు సిద్ధమయ్యారు.
RRR: రెండు విధాలుగా గట్టి దెబ్బ తగలడం ఖాయమని అంటున్నారు.
దీంతో ఆర్ఆర్ఆర్ సినిమా పరీక్షలకు ముందు వస్తుంది. కాబట్టి విద్యార్థులు ఆర్ఆర్ఆర్ సినిమాను చూడటం కష్టం అంటున్నారు. పరీక్షలు ఆర్ఆర్ఆర్ సినిమాకు ఒక దెబ్బ అనుకుంటే, ఐపీఎల్ 2022 మరో అతి పెద్ద దెబ్బ కొట్టడం గ్యారెంటీ అని విశ్లేషకులు అభిప్రాయపడుతున్నారు. మార్చి 25న ఆర్ఆర్ఆర్ సినిమా విడుదల కానుండగా, మార్చి 26 నుంచే ఐపీఎల్ ప్రారంభమవబోతుండటం ఆసక్తికరం. ఇక ఈసారి కొత్త జట్లు రావడంతో పాటుగా ప్రత్యేకంగానూ గ్రూప్ లుగా మ్యాచ్లు జరుగబోతున్నాయి. దాంతో ఆర్ఆర్ఆర్ సినిమాకు రెండు విధాలుగా గట్టి దెబ్బ తగలడం ఖాయమని అంటున్నారు.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!