NTR : ఎన్టీఆర్ 30 కి మాటల మాంత్రీకుడు త్రివిక్రమ్ శ్రీనివాస్ దర్శకత్వం వహించబోతున్న సంగతి తెలిసిందే. హారిక అండ్ హాసినీ క్రియేషన్స్ – ఎన్టీఆర్ ఆర్ట్స్ బ్యానర్స్ పై రాధకృష్ణ – నందమూరి కళ్యాణ్ రాం సంయుక్తంగా భారీ బడ్జెట్ తో నిర్మిస్తున్నారు. ఈ సినిమాకి త్రివిక్రమ్ యూనివర్సల్ కథాంశం ఎంచుకున్నట్టు సమాచారం. పాన్ ఇండియన్ సినిమాగా మల్టీ లాంగ్వేజస్ లో ఈ సినిమా రిలీజ్ చేసేలా సన్నాహాలు చేస్తున్నారట. ఇక ఈ సినిమాలో హీరోయిన్స్ ఇద్దరుంటారని ప్రచారం అవుతోంది. ఒక హీరోయిన్ గా పూజా హెగ్డే .. మరొక హీరోయిన్ గా జాన్వీ కపూర్ నటించే అవకాశాలున్నాయని వార్తలు వస్తున్నాయి.
కాగా ఎన్టీఆర్ 30 లో పవర్ ఫుల్ విలన్ క్యారెక్టర్ ఉందని సమాచారం. అయితే ఇన్నాళ్ళు త్రివిక్రమ్ ఈ సినిమాలో విలన్ క్యారెక్టర్ కోసం పలువురు నటులను పరిశీలించినప్పటికి ఉప్పెన సినిమా తర్వాత టాలీవుడ్ లో విజయ్ సేతుపతికి వచ్చిన క్రేజ్ వల్ల ఇప్పటి వరకు పరిశీలించిన పేర్లను పక్కన పెట్టి విజయ్ సేతుపతిని ఎంచుకునే ఆలోచనకి వచ్చినట్టు తాజా సమాచారం. విజయ్ సేతుపతికి తమిళ నాట విపరీతమైన క్రేజ్ ఉంది. ఒకవైపు హీరోగా నటిస్తున్న విజయ్ సేతుపతి మరొకవైపు అద్భుతమైన పాత్రలలో నటించే అవకాశం వస్తే మాత్రం ఖచ్చితంగా ఒప్పుకుంటున్నాడు.
NTR : ఎన్టీఆర్ 30 విజయ్ సేతుపతి ఫైనల్..?
అదే విజయ్ సేతుపతిని టాలీవుడ్ వరకు తీసుకు వచ్చేసింది. మెగాస్టార్ చిరంజీవి నటించిన సైరా లో కీలక పాత్ర పోషించాడు. అయితే ఆ సినిమాతో అంతగా పాపులారిటీ దక్కనప్పటికి మెగాస్టార్ ని ఇంప్రెస్ చేసి ఉప్పెన సినిమాలో నటించే ఛాన్స్ దక్కింది. ఉప్పెన సినిమా సక్సస్ అవడానికి కీలక పాత్ర విజయ్ సేతుపతి అని ఇప్పుడు ఇండస్ట్రీ మొత్తం చెప్పుకుంటోంది. ఇప్పుడు విజయ్ సేతుపతి కి టాలీవుడ్ లో క్రేజీ మూవీస్ లో నటించే అవకాశాలు వస్తున్నాయి. ఈ క్రమంలోనే ఎన్టీఆర్ 30 విజయ్ సేతుపతి ని ఫైనల్ చేయాలని త్రివిక్రమ్ ఫిక్స్ అయినట్టు సమాచారం.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!