Police: సాధారణంగా మనకి పోలీసులు ఖాకీ దుస్తులలో కనిపిస్తుంటారు. కానీ ఎప్పుడైనా గమనించారా? కొన్ని ప్రదేశాలలో పోలీసులు తెలుపు రంగు యూనిఫామ్ కూడా ధరిస్తూ ఉంటారు. పోలీసులను తెల్లటి యూనిఫామ్ లో కేవలం కలకత్తా లోనే మనం చూడగలం. కేవలం అక్కడి పోలీసులు మాత్రమే ఇలా తెలుపు రంగు యూనిఫామ్ ను ధరిస్తారు. ఇలా ఎందుకు వీరు ఖాకీ యూనిఫామ్ కాకుండా తెలుపు రంగు యూనిఫామ్ వేసుకున్నారు అని మీకు సందేహం కలిగిందా? అయితే ఈ రోజు మీ డౌట్ కి సమాధానం దొరికినట్లే…
బ్రిటీషర్ల కలంలో పోలీసు వ్యవస్థ ఏర్పాటు అయినప్పుడు పోలీసులు అందరూ తెలుపు రంగు యూనిఫామ్ నే ధరించేవారు. కానీ వారు చేసే పనులకి కొన్ని రోజులకి ఆ బట్టలు పసుపు ఛాయలోకి వచ్చేవి. ఇది గమనించిన పోలీసు ఉన్నతాధికారులు పోలీసుల యూనిఫామ్ ను తెలుపు రంగు నుంచి వేరే రంగులోకి మార్చాలని బ్రిటిషర్లను అడిగారట.
అప్పుడు బ్రిటిషర్లు తెలుపు నుంచి ఖాకీ రంగుకి మార్చారు. లేత పసుపు మరియు గోధుమ రంగు రెండిటిని కలిపితే వచ్చేదే ఈ ఖాకీ రంగు. ఇలా ఖాకీ రంగుకి మార్చాక కోల్‌కతా పోలీసులు దీనిని నిరాకరించారు. ఇందుకు కారణం ఏమిటంటే… కలకత్తా నగరం సముద్రానికి కాస్త దగ్గరగా ఉంటుంది. అందువలన అక్కడ ఉష్ణోగ్రతలు కూడా ఎక్కువగానే ఉంటాయి. కాబట్టి తెలుపు రంగు అయితే అంతగా వేడిని గ్రహించదు కాబట్టి అక్కడి పోలీసులు తెలుపు రంగు దుస్తులకే ప్రాధాన్యత ఇచ్చారు. కలకత్తా లో రెండు విభాగాల పోలీసులు ఉన్నారు. ఒకరు సాధారణముగా ఖాకీ దుస్తులను ధరిస్తే మరో విభాగం వారు మాత్రం తెలుపు దుస్తులను ధరిస్తారు.
