గత మూడు సంవత్సరాలుగా స్టార్ మా ఛానల్ లో ప్రసారం అవుతున్న కార్తీకదీపం సీరియల్, సీరియళ్లు అన్నిటితోను పోటీపడుతూ టాప్ వన్ గా నిలుస్తుంది. ఇంక ఆ సీరియల్ టీఆర్పీ రేటింగ్ ల గురించి ప్రత్యేకంగా చెప్పుకునేది ఏమి లేదు. కార్తీకదీపం సీరియల్ ని ఆ సీరియల్ అభిమానులు బుల్లితెర బాహుబలి గా పిలుస్తుంన్నారు.
ఇప్పటికే ఆ సీరియల్ వచ్చి మూడు సంవత్సరాలు పూర్తి అయినప్పటికీ రేటింగు లలో మాత్రం నెంబర్ వన్ గానే నిలుస్తోంది. ఈ సీరియల్ లో ప్రధాన పాత్ర లో కథానాయిక ప్రేమి విశ్వనాథ్ నటిస్తూ బుల్లితెర ప్రేక్షకులను ఎంతగానో ఆకట్టుకున్నారు. కార్తీకదీపం సీరియల్ తో ఈమె తెలుగు ప్రేక్షకులలో ఎంతో పాపులారిటీని సంపాదించుకున్నారు. ప్రేమి విశ్వనాధ్ అభిమానులు ఈమెను స్మాల్ స్క్రీన్ సావిత్రి అని పిలుస్తున్నారు.
ఆమె అభిమానులు సోషల్ మీడియ లో అలనాటి మహానటి సావిత్రి తిరిగి మళ్ళి ప్రేమి విశ్వనాథ్ రూపం లో పుట్టిందని వీడియోలు ఎడిట్ చేసి పొంగిపోతున్నారు. ఇది తెలుసుకున్న ప్రేమి విశ్వనాథ్ చాలా సంతోషించి ఎమోషనల్ అయ్యారు. ప్రేమి విశ్వనాథ్ ఒక మలయాళ కుట్టి. అయినప్పటికీ ఆమెకు తెలుగులో ఫ్యాన్ పేజీలు సైతం క్రియేట్ చేసి మరీ ఆమెను ఆరాధిస్తున్నారు. ఈ సీరియల్ లో ఆమె పేరు వంటలక్క. కాబట్టి జనాల గుండెల్లో ప్రేమి విశ్వనాథ్ వంటలక్క గా నిలిచిపోయారు.
ఈ సీరియల్ కి మన తెలుగు ప్రజల్లో ఏ లెవల్ లో ఆదరణ ఉందొ మనం అర్థంచేసుకోవచ్చు. అంత ఫాలోయింగ్ ఉండబట్టే ఆ సీరియల్ టిఆర్పి రేటింగ్ కూడా ఆ స్థాయిలో వస్తుందని నిస్సందేహంగా చెప్పుకోవచ్చు. ఏది ఏమైనప్పటికీ తెలుగు బుల్లితెర ప్రేక్షకులు ప్రేమి విశ్వనాధ్ ని ఎంతగానో ఆదరించారు. తనని మహానటి సావిత్రి తో పోల్చడం తో ఆమె ఎంతో సంతోషించారు.