బాలీవుడ్ దర్శక దిగ్గజం ఓం రౌత్ దర్శకత్వంలో డార్లింగ్ ప్రభాస్ ఒక భారీ పాన్ ఇండియన్ సినిమాలో నటించబోతున్న సంగతి తెలిసిందే. ఆదిపురుష్ అన్న టైటిల్ తో తెరకెక్కబోతున్న ఈ సినిమా స్ట్రైట్ గా హిందీతో పాటు తెలుగులో నిర్మితమవుతుండగా మిగతా అన్ని భాషల్లో డబ్ చేయనున్నారు. ఇక హాలీవుడ్ లోను ఈ సినిమా రిలీజ్ చేస్తారని అంటున్నారు. ప్రభాస్ ని రాముడిగా చూపించబోతున్నాడు దర్శకుడు. అలాగే మరో బాలీవుడ్ సీనియర్ హీరో సైఫ్ అలీఖాన్ లంకేష్ గా కనిపించబోతున్నాడు. ఇప్పటికే ఈ సినిమా మీద విపరీతమైన బజ్ క్రియోటయిన సంగతి తెలిసిందే.
కాగా తాజా సమాచారం ప్రకారం ఈ సినిమాలో మరో ప్రధాన పాత్రలో సీనియర్ రెబల్ స్టార్ కృష్ణంరాజు నటించబోతున్నారని తెలుస్తుంది. ప్రభాస్ ను తన నట వారసుడు అంటూ కృష్ణం రాజు గతంలో పలు సందర్భాలలో వెల్లడించిన సంగతి తెలిసిందే. ఇక పాన్ ఇండియన్ స్టార్ గా ప్రభాస్ అసాధారణమైన క్రేజ్ సంపాదించుకున్నప్పటికి ఏ విషయంలోను పెదనాన్న కృష్ణం రాజు మాట దాటలేదు. అంతేకాదు ప్రభాస్ కి పెదనాన్న తో స్క్రీన్ షేర్ చేసుకోవడమంటే ఎంతో ఇష్టం. అందుకే బిల్లా సినిమాలో ఇద్దరు కలిసి నటించారు. ఆ తర్వాత కూడా చాలా సార్లు రెబల్ స్టార్స్ ఇద్దరిని కలిసి చూడాలనుకున్నారు అభిమానులు.
అది ఇన్నాళ్ళకి తీరబోతుందని తాజా సమాచారం. మల్టీ లాంగ్వేజస్ లో రూపొందుతున్న ఆదిపురుష్ సినిమా ఆ దశాబ్దపు అద్బుతంగా నిలువబోతుందని అందరు నమ్మకంగా ఉన్నారు. అందుకే ఆదిపురుష్ లాంటి గొప్ప సినిమాలో చిరకాలం అందరికీ గుర్తుండుండిపోయో పాత్రను కృష్ణంరాజుతో చేపించాలని ప్రభాస్ ఆరాటపడుతున్నాడట. స్వయంగా దర్శకుడు ఓం రౌత్ తో చర్చింది పెదనాన్న కోసం ఒక పాత్రను సెట్ చేశాడట ప్రభాస్. నా నట వారసుడు అని పెదనాన్న ఎంతో గర్వంగా చెప్పుకుంటున్నందుకు ఇప్పుడు ప్రభాస్ రుణం తీర్చుకునే సమయం వచ్చిందని చెప్పుకుంటున్నారు. ఇక ఇందుకు సంబంధిచిన అధికారక ప్రకటన త్వరలో రానుందని తెలుస్తుంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!