RRR ఈ సినిమా కోసం టాలీవుడ్ జనాలే కాదు. ప్రపంచ వ్యాప్తంగా ఉన్న సినీ అభిమానులు కూడా ఎప్పుడెప్పుడా అని ఎదురు చూస్తున్నారు. జక్కన్న తెరకెక్కించిన ఈ అద్భుత కావ్యం కోసం అభిమానులు వేయి కళ్లతో ఎదురు చూస్తున్నారు. ఇప్పటికే ఈ సినిమా అనేక రికార్డులను కొల్లగొట్టింది. ఇప్పుడు విడుదల సమయంలో కూడా ఈ సినిమా కొత్త రికార్డులను క్రియేట్ చేస్తోంది. ఇప్పటి వరకూ ఈ సినిమా ఏ భారతీయ సినిమాకు సాధ్యం కాని రీతిలో 10,000 స్క్రీన్లలో విడుదల చేస్తారని టాక్ నడుస్తోంది. ఇదే కనుక నిజమైతే ఈ సినిమా కొత్త రికార్డును క్రియేట్ చేయడం ఖాయమని అందరూ భావిస్తున్నారు.
RRR సినిమాలో రామ్ చరణ్, ఎన్టీఆర్ జంటగా నటిస్తున్నారు. కొమురం భీం, అల్లూరి సీతారామరాజు గాధలకు కల్పిత అంశాలను జోడించి ఈ సినిమాను దర్శకధీరుడు జక్కన్న భారీ బడ్జెట్ తో తెరకెక్కిస్తున్నారు. ఈ సినిమాకు సీనియర్ మ్యూజిక్ డైరెక్టర్ కీరవాణి స్వరాలు సమకూరుస్తున్నాడు. ఈ సినిమా కేవలం అమెరికాలోనే 2500 స్క్రీన్లలో ప్రదర్శించబడుతుందని టాక్. ఈ సినిమా కోసం అమెరికా వాళ్లు వేయి కళ్లతో ఎదురుచూస్తున్నారు. ఈ సినిమాను తెలుగు, తమిళం, మళయాలం, కన్నడ, హిందీ తో పాటుగా ఇతర విదేశీ భాషల్లోనూ రిలీజ్ చేయనున్నారు. ఈ సినమాను డీవీవీ దానయ్య భారీ బడ్జెట్ తో తెరకెక్కిస్తున్నారు.
ఈ సినిమాకు కేకే సెంథిల్ కుమార్ సినిమాటోగ్రఫీ అందిస్తున్నారు. ఈ సినిమాలో ముద్దుగుమ్మలు అలియా భట్, హాలీవుడ్ అందం ఒలివియా మోరిస్ కలిసి నటిస్తున్నారు. చరణ్ అల్లూరి సీతారామరాజు పాత్రలో మరియు ఎన్టీఆర్ కొమురం భీం గెటప్ లో కనిపించనున్నారు. ఇప్పటికే విడుదల చేసిన ఈ సినిమా టీజర్, పాటలకు మంచి రెస్పాన్స్ వస్తోంది. ఇక ఈ ట్రైలర్ ఎప్పుడు రిలీజ్ చేస్తారా అని సినీ అభిమానులు వేయి కళ్లతో ఎదురుచూస్తున్నారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!