మాస్ డైరెక్టర్ బోయపాటి శ్రీను, బాలకృష్ణ వరస ఫ్లాపుల్లో ఉండగా ‘సింహా’ మూవీని తీసి బాలకృష్ణ కి భారీ కమర్షియల్ హిట్‌ను అందించాడు. ఈ చిత్రం అప్పట్లో సంచలన విజయాన్ని కూడా అందుకుంది. ఇక సింహా తో ఫాం లోకి వచ్చిన బాలయ్యకు ‘లెజెండ్’ తో మరోసారి భారీ హిట్ ని ఇచ్చాడు దర్శకుడు బోయపాటి. అందుకే వీరి కాంబినేషన్ కోసం బాలయ్య అభిమానులు ఎంతో ఆశతో ఎదురు చూస్తున్నారు.
ఇకపోతే ప్ర‌స్తుతం నంద‌మూరి బాలకృష్ణ, బోయపాటి శ్రీను కాంబినేష‌న్‌లో `బిబి3` వ‌ర్కింగ్ టైటిల్‌తో, బాలయ్య కెరీర్‌లో 106 వ సినిమాగా మిర్యాల ర‌వీంద‌ర్‌రెడ్డి నిర్మిస్తున్న చిత్రం కొంతభాగం షూటింగ్ జరుపుకున్న తర్వాత కరోనా కారణంగా వాయిదా పడింది. కాగా ఇటీవ‌ల షూటింగ్స్‌కు కేంద్రం అనుమ‌తులు ఇవ్వ‌డంతో.. అతి త్వరలోనే ఈ చిత్ర షూటింగ్ స్టార్ట్ చేయాలని ప్లాన్ చేస్తున్నారు బోయపాటి శ్రీను.. ఇక బాలయ్య, బోయపాటి కాంబినేషన్ అంటే.. డైలాగులతో పాటుగా విలన్‌తో భారీ ఫైట్స్, అదిరిపోయే చేజింగ్‌లు లాంటి అంశాలను ఆశిస్తారు అభిమానులు.
ఈ సినిమా కూడా హిట్ అందుకుంటే బాలయ్యకు, బోయపాటికి హ్యాట్రిక్ హిట్ అవుతుంది.. అదీగాక బాలయ్యకు గట్టి పోటీని ఇచ్చే విలన్ కావాలి.. అందుకే ఈ సినిమాలో విలన్‌గా ఇది వరకు బాలీవుడ్ నటుడు సంజయ్ దత్ ను ఫిక్స్ చేశార‌ని.. త్వరలోనే ఆయ‌న షూటింగ్‌లో జాయిన్ అవ్వ‌నున్నార‌ని ప్రచారం జ‌రిగింది. అయితే సంజయ్ దత్ ఇటీవ‌ల క్యాన్స‌ర్ బారిన‌ప‌డ్డారు. దీంతో సంజయ్ దత్ ప్లేస్‌లో బాలకృష్ణ తో ఢీ కోసం సోనూసూద్ ను రంగంలోకి దించితే బాగుంటుందనే ఉద్దేశ్యంతో బోయపాటి ఉన్న‌ట్టు ప్రచారం జ‌రుగుతోంది.
ఇప్ప‌టికే ఆయ‌న స్పందించిన‌ట్టు కూడా టాక్ న‌డుస్తోంది. ఇకపోతే ఈ చిత్రాన్ని రాయలసీమ, వారణాసి బ్యాక్‌డ్రాప్‌లో తెరకెక్కిస్తున్నారట. ఇదిలా ఉండగా ఈ మధ్య కాలంలో సోనూసూద్ క్రేజ్ మామూలుగా పెరిగిపోలేదు.. అందుకని ఇతన్ని విలన్‌గా నటింపచేస్తే అతని క్రేజ్ కూడా సినిమా విజయానికి తోడ్పడుతుంది అని చిత్రయూనిట్ ఆశిస్తున్నారట.. మొత్తానికి బాలయ్య బోయపాటి సినిమాలో సోనూసూద్ విలన్‌గా చేస్తే ధియోటర్లు బద్దలైపోవడం ఖాయం అంటున్నారట సినిమా ప్రేక్షకులు..
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!